亮說亮話 - 湯文亮 2019年12月31日
【亮說亮話】收租佬的生活很清苦 - 湯文亮
現在收租佬最擔心就是加息，就算加1%，他們已經是負現金流。資料圖片 適中字型 較大字型
有老友向我投訴，他有一個朋友平時耀武揚威，話自己有幾多幾多物業收租，但從來唔請人食飯，其他朋友大多數都不滿意，既然咁有錢應該請人食飯，如果唔係，點會有人聽佢發噏風。
老友唔明白，以前最慳儉的人是賭徒，但輸錢就很大方，現在最慳儉的是擁有多個單位的收租佬，他們並非不想消費，而是冇錢消費，因為要留返啲錢去供樓。嚴格來說，收租佬的生活是很清苦，不是每個人都可以承受得來；所以，不少收租佬最後都半途而廢，賣走手上部份物業，由收租佬變成炒家，有現金在手，生活自然多姿多彩。
老友唔信，有樓都要捱窮，我話有幾個總值一億元單位收租的人應該屬於小富，但如果他們欠債3,000萬元，資產負債比率是非常安全；不過，每年總租金收入在七除八扣之後，大約有200萬，2%回報亦是中規中矩，但每年還貸款額4%，大約是120萬元，利息以3%計算，已經唔見了60萬，剩低20萬元，平均每月1.6萬元，比一個普通文員收入還要低，他們又有甚麼辦法唔慳啲使。
現在收租佬最擔心就是加息，就算加1%，他們已經是負現金流，所以，大家做老友的應該體諒收租佬苦處，唔好要他們埋單。
湯文亮
mailto:jacinto.tong@gmail.com
本欄逢周二刊出
jacinto.tong@gmail.com
亮說亮話 - 湯文亮 舊文
來源 source: http://hk.entertainment.appledaily.com