武漢肺炎打亂中港股、經濟、甚至中美貿易戰，但從呢一刻去睇，市況相當不明朗？其實未必，因為肺炎單嘢其實有一定可測性。
疫情大概
推算得到4、5月係高峯，經濟會更差，work from home更成為主流，中央唔容許追境內債，境外債亦由內銀、券商硬食頂住。A股斬倉人踩人？沽壓卸落港股？壓力未必比預期大，睇返肺炎爆發前市況加上監管情況，配資規模遠遜2015年中，睇A股復市兩日已知未至於斬倉火燒連環船。
武漢肺炎成為中港股最關鍵潛在負面因素，經歷29000點跌到26000點嘅短期大跌市後，負面影響已反映喺市場上，之後影響會逐步減弱，越嚟越回復原本嘅上落市格局。
近期資金由嚴重受累股換馬至輕微受累股，低利潤率嘅製造業、零售業壓力大，關廠關店一個月嘅成本，隨時要幾個月嘅利潤先至冚得到。阿里（9988）本質係高毛利加上科網，受影響較少，於是高位回落後，近兩日反彈幅度大。
澳門賭場停業半個月，你以為好傷？賭業variable cost低、利潤厚，冇半個月收入，大概只損失一個月利潤，傷極有限，於是跌幅火速收窄了。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com