趁高位配股集資，在任何市場都是慣常財技。本地「藍絲」口誅筆伐，批評王維基是吸金老千，只反映他們孤陋寡聞。同樣做網購
，全球電商龍頭亞馬遜卻沒有配股需要。財來自有方，亞馬遜水源充足靠的是超低「現金循環周期」（Cash Conversion Cycle，簡稱CCC），即CCC＝存貨周轉日數＋應收賬款周轉日數—應付賬款周轉日。
過去數十年，多得及時生產制度（Just In Time）及電子數據應用，大大減低了存貨周轉日數，美國各行各業的CCC普遍都在下跌。不同行業，卻仍存在差天共地的CCC：由最低平均8天的餐廳酒店業，到最高超過600天的煙草業。再以大型超市為例，Walmart的CCC近年跌至5天以下，Costco更低至2天。電商亞馬遜呢？是負數，更一直是雙位數字！最誇張的年代，亞馬遜的供應商可能要出貨後等上一百日才收到款項。貝索斯這招空手入白刃的抽水財技，令亞馬遜能夠長期以極低資金成本擴張生意，根本毋須配股集資。
因為水源充足，CCC低的企業對營運資金、現金持有、短期債務等需求亦比較低，因此在經濟不景時往往有較佳表現。研究發現，除了集資不假外求，低CCC還有另一炒股含意：低CCC，預示高回報！
Babe話佢今日心情唔係幾好，為博紅顏一笑：「我決定將以後家用嘅CCC，延長到10,000年。」女友笑返：「魔童學你就慘喇。俾人咁拖數，你唔怕好似買股票咁回報率低咩？」我講返股票：「CCC低嘅股票長期跑贏大市係一個謎，因為佢哋流動性風險反而低，所以賺嘅唔係風險溢價。不過愛你10,000年就好易解，明俾你抽水，見你笑返就係最高嘅回報。」
徐家健
美國克林信大學經濟系副教授
http://fb.com/economics3.0/
本欄逢周三刊出
MyGut者言 - 徐家健 舊文
來源 source: http://hk.entertainment.appledaily.com