周五晚美股尾市本來幾乎收復失地，不過紐約聯儲尾市宣佈，3月23日至27日按計劃每日購買750億美金國債同500
億美金嘅MBS，然後本周將買3,450億美金嘅國債（平均每日690億美金），同埋每日買MBS規模減至400億美金。可能因為美股上周反彈，於是聯儲局見情況將「無限QE」縮水，合情合理，亦象徵聯儲局見市場回穩就會減少量寬。不過，投資者唔收貨，股市再跌至即日低位。
與此同時，10年期美債孳息率又跌返去0.676厘。市場嫌買債規模減少，但係資金依然跑去美債避險。
兩星期聯儲局嘅量寬規模達到1.17億美金，已相當於2009年QE1嘅三分之二。不過，09年推出QE1年時嘅美國M2略高過8萬億美金，現時最新係15.5萬億美金。至於美國國債規模就由09年嘅11.9萬億美金，升到今年23.3萬億美金。聯儲局要及得上當年QE1嘅放水比例，可能聯儲局要比當年QE1量寬double，去到3.3萬億美金。如果要及得上QE1加QE2嘅效應，量寬就達到4.5萬億美金。如果聯儲局未來以近兩周相同步伐去買美債買MBS，只要兩個月就買到4.5萬億美金呢個數。
疫情為時越長，放水金額會越多，日後市場波動性亦會越高。
晉佳
http://fb.com/advanceguy1
本欄逢周一、三、五刊出
智取大市 - 晉佳 舊文
來源 source: http://hk.entertainment.appledaily.com