【Can Bank】一萬元應唔應該使 - 散子
政府派錢，好少聽到大家對一萬元「點使」嘅討論，可能大家對前景信心不足，即使收到錢都唔敢亂咁使。 資料圖片
政府一萬元現金發放計劃自周日開始登記，半日登記人數已經達到200萬，大家對派錢嘅反應都是「無理由唔攞」，財爺陳茂波近期不停提
醒大家，收到錢之後就使返出去，除咗呼籲市民使錢之外，亦都同飲食零售各方代表會面，希望佢哋可以提供優惠，從而促進市民將收到嘅錢用來消費，讓錢重新流入經濟體系內，帶動經濟增長。
有別於上次派錢4,000元，甚至在曾俊華任期內派6,000元，今次好少聽到大家對一萬元「點使」嘅討論。一來可能係無得去旅行，加上無新iPhone推出，但更有可能是大家對前景信心不足，即使收到錢都唔敢亂咁使。
其實如果真係朝不保晚嘅，佢自然知道自己應該將錢使去邊度，真係覺得唔知應唔應該使好嘅，大部份都係不至於無錢，但又唔係太多錢嘅人，對前景有憂慮，所以先勒緊褲頭，有備無患；股市或樓市大跌時，最怕就係個人欠缺流動性，即係無本事坐貨，要斬倉或者賤賣係最唔想見到嘅結果。個人理財亦都一樣，最重要係有足夠嘅應急資金（Emergency Fund），一般嚟講，相當於3至6個月生活開支，這樣大概可以決定到使返幾多出去。
散子
http://fb.com/散子-257101397966975
Can Bank - 散子 舊文
來源 source: http://s.nextmedia.com