士佳說 - 張士佳 2020年7月8日
【#士佳說 】張士佳：下半世唔使憂
【#士佳說 】張士佳：下半世唔使憂
星期一2500億成交，昨日股神們紛紛出動，對股市評頭品足，什麼大時代3.0，又什麼宮崎牛，佐賀牛都出曬黎，大家你睇幾多，佢睇幾多， 尋日佢哋就即時被市場刮了一巴。有睇本欄嘅讀者就唔同，尋日可避過一劫，我做了好友一排，昨日潑一殼冷水等大家清醒啲啫。。
好多新知舊雨，PM問我這隻應否走，那隻我是否仍持有！喂，我無做股評人好耐，更唔係投資顧問，只係在此分享下自己心得，走唔走，留唔留，自己係要去研究或黎我這裹學的，我在此講講方向罷了。
睇昨日一文，大家一定認為我睇得好淡，其實我睇得極好，只好一眾睇好，無理亞浸會講乜，我等佢發次嗡風再炒啫。
根據過往2500億的紀錄，黎緊係風雲變幻的日子，我識人黎緊呢段日子賺了半世的錢。
黎緊，我打算賭兩手，先搵個支持位賭番手，用3月到現在的盈利分兩次賭，用衍生工具槓桿賭，唔玩咁多正股，贏左唔止得餐笑，輸先唔駛慶。
都講講個股啦，981我41.4走晒，819就18.8走（學生們！上兩個星期教了你的秘技...秘技自己知就算了，太多人知會攬炒嘎），讀者們又唔駛沮喪，我唔覺得中心已炒完，大大波幅咁走下位啫，情形仲好過當日6185。另外，咁沉寂好一段時間的物管股終回到大家的目光中，野村看好碧桂園服務(6098)，預期上半年增長由25%調升至45%-60%，股價昨日逆市破頂，但其他物管股暫時只見少少異動，我炒了3319call一轉，就如昨日的新股上市，是由弘陽地產(1996)分拆上市的弘陽服務(1971)，昨日高開17%後回落，最終只升6%，而整個板塊升幅並不全面，暫時等回一回再上穩陣啲。
另外，早前提及過的吉利，6月汽車銷售按年升21%，加上早前擬跟旗下富豪汽車合併，並回到上海科創板上市，情況有望如早前的中芯及金山軟件，會繼續跟進。但係升幅太大，我自己就錯過了吉利，但我有1211..冇咗個橙執返個桔。但係我估計吉利一樣係未炒完，但升幅咁大震下倉先啦。
P.S「士佳說」琴日既金句，小編睇左好有感受，所以整左幅圖比大家，供大家download &save 好，係必要時刻拎出黎提下自己，同SHARE出去提提戰友！
士佳說 - 張士佳 舊文
來源 source: http://skycheung.weebly.com