【Can Bank】港視再配股又何妨 - 散子
港視行政總裁王維基。 資料圖片
本港疫情未緩和，超市概念股受惠，港視（1137）由上月底5元未到，兩個多星期內一下子升至噚日高見8元，唔少人問仲追唔追得過，會唔會高位又配股。
事實上，港視在今年2月份配股後，禁售期只有90日，已經
屆滿。而業務發展迅速，股價又節節上升，要配股亦不是沒有誘因，折讓配股當然會影響股價表現，但如果配完股，股價不是配不起的話，配又何妨？更何況，根據上次經驗，王維基係會出公告提醒你的。
所以不如從業務去看，港視是否值得買。港視近期網站經常出現繁忙情況，繁忙甚至去到畀唔到錢，以筆者網購經驗，只有抽iPhone炒賣嘅時候，先會出現咁嘅情況。王維基似乎好有決心搞好送貨流程，有買過嘢嘅人都知，要商戶回水畀你有幾困難，尤其是電子支付，好多時都涉及銀行服務費，所以好多時商戶寧願畀優惠你，都唔想透過銀行回水。
不過，近期HKTVmall 在處理小事故的手法可說是利落，貨物運送時損毀，又或者供貨商未能準時供貨等，港視直接以閣下付款方法回水，以確保不令接下來定單送貨，不會因之前貨品問題而延誤；明顯地吸收了過往幾年物流問題帶來的教訓，生意好，執行能力又有，咁股價要升又有幾難？
散子
http://fb.com/散子-257101397966975
Can Bank - 散子 舊文
來源 source: http://s.nextmedia.com