士佳說 - 張士佳 2020年8月13日
【#士佳說 】張士佳：內循環
【#士佳說 】張士佳：內循環
前晚美股一般，但港股異常硬淨，所以昨日用25030作為界線，很多朋友見第一浸回落到246XX，都覺得升上25030無望，我就偏向上望，作了一個多月的淡友，日日沽著期指，昨早失驚無神寫咁好，仲要落埋位，都估到筆者心態。好友淡友都戴有色眼鏡，淡友看咩都淡，好友睇咩都好，加上經濟有意氣之爭，把話說死，更難轉身。我無咁好氣，在投資市場，看法唔值錢，做法才重要，穿位唔洗諗，買左，最多收唔高於25030，打之，輸轉即市。
大市做好，皆因匯控，及其他銀行地產股，主要係由老美錢莊帶動，但市場錢就得一舊，其他板塊就一般般，甚至可以用差來形容，你看看移卡#9923，最高$80，兩天跌到45.65，可不是我說中了，新經濟這幾天係重災區，先前我亦炒新經濟炒得不亦樂乎，但適時在上周獲利離場，這是炒家本色。
要食就食最美好的一段，就好似壹傳媒#282，兩日升十倍，我炒了十幾轉，無conviction，短炒賺不了十倍，兩三倍就袋袋平安，昨日我晨早亦有同學生分享，我一股#282也不沾，全日零接觸，很多朋友見開$1.4，炒上$1.75，以為party繼續，老馬識途，知道這種走勢不可碰，研究一下日中圖就很清晰，市場最喜歡給你一顆糖，再給你一巴掌，你只能控制風險，能夠一親芳澤，而能夠全身而退，安全返家的，才能稱得上玩家，啊！唔係！炒家！！
昨日股炒得不算好，左買買右買買，最重注的就係昨早有同大家講的航空股，及博少少騰訊#700衍生，收市後，#700出業績，我亦第一時間拍了片，除分析業績外，大家應看到我們對#700的取態。
如果錯過了#700，可以留意網易#9999，同樣係雲、遊戲、同樣受惠疫情，今日收市後公布業績，下跌空間有限，止蝕位算近。
大市上升，最直接當然買大市，但又怕中美你一言我一語的話，大家不努參考內循環，最低妥限度，夠膽坐，像我有學生就成功買入#270，錯失底位，不妨參考三走勢，再作定奪，其實像這類形超值底位股，多的是，市場如果真拐彎，大把野執。
士佳說 - 張士佳 舊文
來源 source: http://skycheung.weebly.com