士佳說 - 張士佳 2020年9月17日
【#士佳說 】張士佳：美股昨晚升幅無曬
【#士佳說 】張士佳：美股昨晚升幅無曬
詳細版:
昨日特意在接近收市時間拍了一段片，和大家跟進了大市及不少個股的走勢，未收看的可先重溫，今日就不再重覆。
大市方面，我們正如昨天計劃，上午做了少少對沖，我亦按照買兩元沽元半的策略，將大市相關度高嘅股票轉到低相關度個股，而美股美國8月零售銷售按月升0.6% 差過預期，算是對刺激經濟方案的小施壓。
股市輕微低開，未有大跌，主要等待聯儲局將議息結果，議息結果前已經升返上去200點，其後維持利率不變，預測至2023年仍將保持在接近零水平，同時允許通脹溫和地超越2%目標一段時間後才會加息，道指急升至近400點，我都以為自己睇錯，早上仲做咗恒指對冲，點知又係冇咗iPhone 12 消息的蘋果領跌，跌下多啲，跌下多啲，最後升幅蒸發曬，納指仲由升轉跌，科技大瑪莎大部分都下跌。
好在BABA唔算跌得多，昨日提及ATMX時，A未太多著墨，今日寫返多啲，其昨日公布了名為「迅犀」的數字工廠。阿里將新制造的探索首先放在服裝行業，犀牛智造是專門爲中小企業服務的數字化智能化製造平臺，大量應用雲計算、IoT、人工智能技術，其團隊80%爲工程師。在投產之前已有200多家淘寶中小商家試點合作。消息對阿里股價作出刺激並對日後螞蟻上市作出一定支持.。此外，阿里將攜手阿里雲生態合作伙伴舉行2020雲棲大會，這對中國雲未來經濟將產生深遠影響。
從全球來看，亞馬遜AWS、微軟Azure、阿里雲分列前三，國內阿里雲佔據市場份額近一半，目前發展速度驚人，去年阿里雲年收入破400億元，比上一年度247億收入躍升62%。我有同學生講一隻外面甚少人講的#856偉仕佳傑，它作爲和阿里雲深度合作的企業也會長期受益，昨天再升4.34%破頂，顯然投資者是看中其在雲業務方面的快速增長潛力，有時不要老是ATMX，它帶給下游產業鏈的利益有時更大，因為幾隻航母漏一滴水出嚟都可以浸死些 市值偏細嘅個股。
早前提及數次的鋰電股贛鋒鋰業 #1772 以折讓價逾9%配股籌逾14億元，股價雖然低開，但期後一度反彈，最後仍是上升收市，反映買方跟進的力度不錯，但係好快就到特斯拉的電池日，老實講電池有乜翻天覆地嘅變化我完全預估唔到同電池相關嘅股票我都係唔敢揸，可能會錯失良機，但係捉到好似#1211噉呢幾日都已經賺得很不錯，滿足了。
蘋果發布會未有提及iPhone，手機股走勢亦肯定受影響，不過比亞迪電子 #285 就反而大升，其實比亞迪電子造的並不是iPhone，反而是組裝iPad及iPod等產品為主，這個正是今次發布會的主角。我們團隊其實早已為大家準備了手機相關股的分析，稍後再為大家詳細拆解。
此外，要留意幾日來北水淨買入最多是#700騰訊今日達6.75億港元。春江鴨應該一早知道消息，騰訊(00700)其下的遊戲在海外吸金多多，加上文博會十六年來首次雲上辦，騰訊成爲獨家技術服務商。還有，《2020中國互聯網保險中介服務平台Top10》，列出了中國10強互聯網保險中介服務平台，騰訊旗下保險代理平台微保位列榜首，螞蟻集團旗下螞蟻保險位列第二。騰訊的移動廣告網絡和金融科技業務已獲得強大的迴響。有大行更將其目標價由641港元上調至660至683港元，事實上，我先前在"sky財經天地"youtube視頻分析，鎖定嘅490元低位，經歷風風雨雨到現在都係固若金湯，每次挨近都反彈。今日股價企穩534元, 筆者認為最近的股價調整提供了買入機會，有機會上望高些，不過都係逢低sell put著數。
不過，我又唔係樣樣啱曬，尋日買入了申州#2313友邦#1299，都冇乜表現。隻esr#1821仲衰，配股添，今日唔陽燭都走咗佢。此外，更希望阿張國榮主席令我手上另二持股無懼大市下跌再發力，補返esr條數。
最後講多一句，既然外圍升幅冇曬，真係要玩期指嘅朋友，似乎睇升嘅時候就用國指好啲，睇跌嘅時候，就用期指，或者對大家都有啲幫助。
士佳說 - 張士佳 舊文
來源 source: http://skycheung.weebly.com