士佳說 - 張士佳 2020年10月12日
【#士佳說 】張士佳： 關前繼續審慎
【#士佳說 】張士佳： 關前繼續審慎
上星期四走曬玻璃，太陽能，新能源，在電台節目都講連十世唔升既太陽能其他細股都升埋，這一波我知足賣了；言猶在耳，星期五該等板塊就來了個小股災，誰敢說圖表量化係後知後覺。
而家跌左落黎10至20%，係咪應該撈呢，似乎反彈一些是正常，但反彈還是真升，我暫未看到，若似乎話「玩完」就言之尚早，暫時觀望先。
電動車都竭一竭，比亞迪#1211講了做陰燭就走，反而雅迪#1585升唔停又創新高，電動單車受疫情刺激，共享電單車今年累計投放左200萬輛，連歐美電踏車及東南亞都話「油換電」公司拓寬海外市場？不過，其實單單「新國標」實行下已提升左汰弱留強的機會，所以#1585升極都仲有，新買就怕高，持有就算。
相關電動車股#1183我走左，但都無跌，今日能再創新高陽燭，我都可能被迫買番。其實同理，星期五都有唔少股調整，如果這些調整股能迅間先後收復，兼陽燭創新高，都係強者對象。
講到板塊強者，汽車分銷都未算特別強，一直只由最大市值的#881中升及#1268美東帶領，中升在$45至$50元橫行，#1268就節節上升，$10升到$30，其餘未見突出，惟近日#3669永達蠢蠢欲動，#1728正通就谷底反彈，如果能逆市升破高位，都幾吸晴。
大市周五真係關鍵位前回吐，我都講左連ATM都食埋，美國正在為救市方案拉鋸，但照理兩黨無人夠膽背這黑鍋吧，嗱，都係不要估，我見白宮斷絶來往好耐（出世咁耐囉），鬼知咩，總之陽破頂就少量大市好倉，否則，就炒股打遊擊算。上星期五開市前都同大家講左，關前，我ATM衍生全都放埋，三隻都有興趣慢慢撈番，但岩岩先走，無咁快住，過兩日再同大家分享。
周末，掃其他股，無咩大發現，係波司登#3998與比亞迪電子#285升勢延續，反而久違了的#388唔算跌得利害，在蛇有番頭的環境之下，會否有特首影子股效應，不得而知，暫無貨，陽破近期頂，會積極考慮。
士佳說 - 張士佳 舊文
來源 source: http://skycheung.weebly.com