士佳說 - 張士佳 2020年10月5日
【#士佳說 】張士佳：進退得宜 如履平地
【#士佳說 】張士佳：進退得宜 如履平地
當外面好多投資者嗌曬救命，風濤駭浪，我地呢度卻如履平地，甚至平地一聲雷，大家有追蹤一定明，我講既#6865福萊特，#3868信義新能源，假期前又創歷史新高，＃3606福耀玻璃雖然未創新高，升幅亦都唔錯。
另，話比大家聽我買左打遊擊既#3333恒大，三日升三成，就算周三假期前聽完錄音開市先買，都升一成，錄左音，講明呢個係局…勢，果日應該仲有得升，果如是，食了半，無得假，個局勢未完，如果調一調出陰燭再破頂會再追多次；SAAS股話#8083靚仔，都不錯，仍持有，仲有話買左爸爸，手上衍生升了四成，肥肥，剩係睇上文以為個市好好，其實升得好既股票都唔多，當然無漏了照顧學生，10點左右，已提買左中國tsla#1211比亞迪，即日爆，替代率60%只係借口，新車熱賣，刀片電池受國外汽車青睞才是真。股靚之餘又咁好彩，個市真係上到我話對沖嘅位置，在23600-237XX ，做埋講左既對沖，即市已有飯開，有三四百點食。成績表之中又唔係全部賺嘅萬綠叢中都有一點紅，#1798有些失手，一買當日表現不錯，跟住股價呢就跌返轉頭，如今日都反彈唔到，會先止一半，留一半坐。
曬完成績表，講番今日，唔覺侵侵中招，會點影響，周五出就業數據參差，都無借題發揮，暫只係上落市，侵侵病情好轉，都係離不開行悲情形象，身先士卒與民齊抗疫，頭戴英雄形象光環這些舊橋，舊橋市場都非常受落，美股期貨齊齊升，但又唔會寄望大選前市況穩定，市例必會飄，不要太認真，還是遊擊炒股較著數。
講下股，#1211風頭太勁，今日會食半，而黃金周，過去4日，預計全國道路發送旅客只少去年3成，已是恢復唔少，M受惠黃金周，大股ATM都唔似太差。內循環、車、新能源、雲計算都係市場焦點，會走半#1211風頭股，我加番講左幾次既#2333長汽，內循環我就再買番黑鴨坐，新能源及玻璃假期最後一刻走左半，剩下就續持有，雲計算#268係雞肋，高不追，低不怕，另外，我買左隻假期前唯一同日質變量變（飛機綠）的教育股，升上250天線兩個星期，可惜市值比較細，博博大霧。
今日算豐富，就寫住咁多先，仲有d料要留返照顧同學仔。 學生番工跟唔到的話，就謹記大選前衹能重點打遊擊，mark實優質股（多質變飛機lego），等低風險入市位（型變不死香蕉lego）博，憑近止蝕水平，贏取值博率。
士佳說 - 張士佳 舊文
來源 source: http://skycheung.weebly.com