士佳說 - 張士佳 2020年11月4日
【#士佳說 】張士佳：都說ATM 我只買TM
【#士佳說 】張士佳：都說ATM 我只買TM
發生最大既事莫過於螞蟻暫緩上市，其他事那怕係美國大選都要行埋一邊，美大選唔係侵就係燈，或者死都唔走，無咩意外，但螞蟻就無咩人估到。
先前已有好多傳聞，對螞蟻咎病，花唄借唄以小資金放大槓桿，令唔應借的人來借，再加上幾段大言大義，金融科技的監管突然變了。類似螞蟻這種網絡小額貸，之所以賺錢，因為出兩元，通過各種金融手段，借出$100，收18％息，$2賺$18噃，仲唔係暴利，所以多多估值都合理，但而家規矩改了，必須出埋那$16，才可以放$100，利潤唔同曬，遊戲規則變曬，再加上一些原因，傳聞花唄廣告馬上拆，仲點上？
所以我唔覺得係暫緩，就算係暫，都比大家相象的長期。
咁小投資者點做好呢？先講我做左咩，我一直看的目標是25120，大話夾好彩，昨日出事前，升到25154，到了我目標價，我好倉全線獲利，口痕友又話我現在講乜都得，好在小弟有幾千人以上做見証，我即時realtime報料話食曬。兩小時後出事之時，我去左打波，知道後二話不說沽空BABA，很多人覺得影響不大，我就覺得遊戲規則變了，影響深遠，加上我一直話咁大隻上市，上市前係蜜月期，唔洗驚大跌，結果無論美股點跌，港股確無真正大跌，對耶？無形之手一直在，但現在不用托了，今日要小心，內地的科技投及相關股炒到飛天，現在火燒到風清揚，武林從此多事，香港科技股像#700，係東方不敗，但也會有影響，#388亦元氣大傷，一眾相關，暫應避之則吉。
其他股哩，武林出事了，大家都要時間適應，那有好日子過。當日全世界講到螞蟻點點點，本欄從未加把口，甚至曾經REMIND我對其定位沒信心。還記得一段小插曲，上個月上堂嘅時候坐喺前排第二個位一位女同學問我點解人人睇好螞蟻，我唔睇好，我話呢啲都係大家一廂情願嘅睇法，實質情況及圖表都令我起疑，所以自從螞蟻落實想上市，ATM亦只睇好TM，今天大家應該明白我的顧慮了，
士佳說 - 張士佳 舊文
來源 source: http://skycheung.weebly.com