負資產出現就是一個警號
有老友話剛剛公報的中原指數，只是微跌0.1%，而今年仍然有些微升幅，點解負資產會大增56%？我認為報紙為了吸眼球，大增56%但沒有講總數有幾多，講出嚟大家也未必相信，只是不足200宗。咁究竟200宗是多抑或少？在2003年沙士時是超過10萬宗，其實當時可能會再多一些，不過
銀行收手，否則，多幾萬宗絕不出奇。
至於現在何解會咁少，很簡單，就是金管局推出8至9次逆周期措施，超過1,000萬元住宅只可以借五成，少過1,000萬元以下雖然可以借八九成，不過，就要買按保，借貸比率低，就不容易出現負資產，如果現在有幾萬宗負資產就大件事。
不過，大家千祈唔好以為只得200宗負資產就掉以輕心，由於現在借貸比率太低，其實是不容易出現負資產，而負資產出現，代表經濟環境轉壞，有用高成數按揭買樓的人不能償還分期付款，以至利息愈積愈多而變成負資產，而那些負資產業主最終亦要賣樓還債，供應增加，樓價自然會下跌，結果是更多負資產出現。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 舊文
來源 source: http://www.am730.com.hk