士佳說 - 張士佳 2020年12月1日
【#士佳說 】張士佳：Pair trade 建功
【#士佳說 】張士佳：Pair trade 建功
一直同大家，如果尋日講收高過26791，有機做牛一，不過，機前自有危，有個位在等大家唔好「笠」亂入場加注，位即係位，無論之前炒到上27100點都唔到。收唔到上邊就係收唔上邊，藉口係侵侵擬將中芯 #981 及中海油 #883 增加至黑名單，大跌500點收場。
有26791呢個位在，昨日方向好簡單，收高先算，所以，昨日高開密密食，同學生分享的群組，五個message四個食糊，好似太保#2601、太平#966、華虹#1347、招行#3968等等，時間剛剛好。尤其係開市前已經喺度講明會食嘅美團#3690，唔食就冇得食，收市大跌七巴仙。雖然收市後業績出得幾好，但係朝早唔食，收市時肯定被七巴仙嚇驚，都捱唔到業績。
細看業績，上季收入比大市預期的平均高出一倍，表現不錯。三個分部，外賣收入按年雖然不及去年的4成增長，但仍有點驚喜，因為死對頭餓了麼推出多重補貼，不過美團未有受到威脅，餓了麼同期收入僅為美團外賣的33%。可是在新的補貼戰下，餓了麼10月的月度用戶更超越了美團，係警號之一。
到店宿旅收入按年表現正常，待社區進一步回復﹔新業務及其他分部反而虧損擴大39%，這個也是因新的「美團優選」打入社區團購業務有關，進入燒錢狀況。三個分部有兩個正在混戰中，競爭加劇下要脫穎而出不容易。但係講呢啲只係比大家對佢業績又一個概括嘅睇法，在未來作打算，今日主要都係睇市場反應，京東業績好都一樣跌，今日，我唔敢搏，等升穿312先至補回。
其他科技股就因報道指螞蟻集團因監管問題，無法於明年上市的隱憂而大跌，臨近收市工信部：騰訊 #700、阿里 #9988等企業App繼續成政策整理的目標，我$270再次做空了baba及9988的淡倉做對沖，利潤不錯。
尋日我先寫＃883及＃386等陽燭破頂先至做野，結果侵侵一野，將佢哋隊哂落嚟，可想而知“等”的重要性，明知係位，無需偷步，唔理佢講乜，暫時陽破先入，策略不變
另外，尋日有寫一些雲計算及Saas 支付概念股如會跑出，結果有啲創新高有啲跌咗，好在都係升多過跌，未升嘅#856偉仕佳傑，繼續等升，昨晚納指因為蘋果升幅而上升, 今日要留意一下蘋果相關產業鏈的股份，如#1415 高偉電子。
教育股有異動，希望教育今年首八個月純利1.19億，按年跌75.6%。不過因為財政年度變更，亦派末期息。而截至10月15日招生數據公告日止，在校學生總人數較去年同期急增38.8%，刺激股價上升。
隔晚美股醫藥股全線急升，疫苗股NVAX、MRNA逆市爆發，近這個月不斷向下發展的#853愛康醫療,開始吸引我眼球，陽燭穿$36，我會關注，而#2269尋日都止跌，可惜做唔到陽燭，如果唔係我都會補返半注，估計佢上昇同準備回A的#6160百濟神州有關 ，#6160不但有憧景入醫保的event，更有消息或將成為第一家在納斯達克、港交所以及科創板三地掛牌上市的中國創新型生物醫藥公司, 不過蟹貨咁多，消化需時，暫時都係唔好咁多貨，情願買得遲，即刻有得升，好過買得早有排捱。
昨晚，美股電動車繼續波動，xpev小鵬連埋收市後跌10%，好在當日，全世界講緊電動車幾好幾好嘅時候，夠膽$70沽空，轉眼間尋晚已見$57，相反，沽空咗小鵬走去買TSLA，tsla仲有得升，我呢個對沖組合，非常惹味，當然如果識得沽埋nkla，仲正，淨係尋晚倒跌26巴仙，當然世事無咁完美，似乎電動車調整緊仲要繼續等，#1211比亞迪好些，已經超跌調整, 今日要關注趨勢能不能守住180蚊。不過先前同大家提嘅兩個轆就表現好好，在一家電動車調整之時創新高，尋日見14.6，我視頻講的$12.4位，摣咗都好唔錯，如果有買繼續持有，反而#1772就要小心D，咁多電動車調整，我尋日出咗，陽升穿68.4，先會考慮補返。喂，最後亦系最緊要嘅，天氣轉冷，著多件衫，呢個時候感冒疑神疑鬼，好麻煩啊！
士佳說 - 張士佳 舊文
來源 source: http://skycheung.weebly.com