士佳說 - 張士佳 2020年12月3日
【#士佳說 】張士佳：個市唔係只有ATM
【#士佳說 】張士佳：個市唔係只有ATM
尋日三隻抽水動作搞到市場幾謝，小米#1810我上月24及25號平好倉，剛好是最高位，正好倖免於難，其實自己望翻，都幾欣慰，好多隻重點股，大跌前都係五個頂果日沽貨，美團#3690，康希諾#6185，中芯#981，福萊特#6865，#685中國高速傳動，阿里#9988，其實連#1211都是200蚊樓上沽，只係沽唔曬，其後沽小鵬來對沖，睇番呢堆股除了M外，睇怕都唔易上番去。美團我就捉到曬節奏，三日前310.2走，尋日268撈番，運氣當然有，但箇中有相當多技術成份，呢個日後再講，現在說美團跌完，言之尚早，但下一陽燭至為關鍵，若陽燭失守，就係科技股最後兩個橋頭堡失守，只剩PDD,咁大家就要小心。
講起pair trade對沖，尋日都有幾個變化，我沽小鵬XPEV，NIO，尋晚先跌後彈，我即刻同學生分享，要食糊了，因其符合了我的第一個反彈原則，其後仲有反手，但那只是即市，對後市無咩啟示價值，而#1211以日線圖睇應走位，但分鐘圖做好，睇多一日，再陰穿169走頭。
另一個淡倉#9988及baba收穫豐厚，但近日跌幅已稍緩，我晚上以PDD好倉作對沖，相信PDD會跑贏BABA。當日，A未出事，我已經叫大家唔好想當然，ATM尤其A實在太熱了，但股价都唔算升，A出埋事，我由做好baba #9988變做空，TMX注碼亦大幅收斂，轉去其他中小股後，好得多，唔難尋寶。
百富#327係一例尋日話抽高走1/3，陰燭食曬，結果尋日兩個action做曬，陰燭前抽高都算好彩，仲有既action仍然繼續。前日同大家提#1415高偉電子又係另一例，兩日差唔多升兩成，無需成日守住ATM。
除了抽水三寶，尋日百濟神州 #6160都跌得緊要，此股我從來唔掂，亦鮮有在此提及皆因升時升得好鬼，陰燭多由陽，我唔搞呢D，昨日股東折還出售ADS，有一個下跌裂口，睇來250MA指日可待。
隻隻都跌，點解個市唔跌？梗係喇，傳統股升，所以都話唔好睇扁舊經濟，點都要有6466，就算唔係指數股，順周期的傳統股也不能忽視，重型卡車銷售好，帶動中聯重科#1157，煤價及短期煤炭需求上升，中煤能源#1898，兗州煤#1171與神華#1088都在上升周期，這個冬天不能一隻都無，仲有升極唔起的國航#753，終於起到機，值得望多兩眼。
先前提過既海信#921，跌左幾日，昨日彈番，底部11.68陰穿先走，仲有中軟#354，聽講話同深圳市政府合作我先前買左，未食，希望有好消息帶動再創新高。
其實呢D通通唔算新經濟，從ATMXJ漏少少過黎，都會帶動唔少升幅。
士佳說 - 張士佳 舊文
來源 source: http://skycheung.weebly.com