士佳說 - 張士佳 2021年2月9日
【#士佳說 】張士佳：都話中細爆啦
【#士佳說 】張士佳：都話中細爆啦
尋日話左比你聽，專吼D中細爆成交，結果尋日多到炒唔曬，一陣又飛魚，一陣又天鴿，呢個行動遲啲應該炒得仲勁，但風險都有返咁上下所以最好當日爆成交當日就上車，即使賺一筆先，跟住著小注放紙鳶，咁就逆轉都唔傷。
美股三大指數齊破頂，美國新紓困方案快將成事， 耶倫又表示，如果新紓困方案規模足夠，美國將可在2022年恢復全民就業喎，令投資者對經濟前景樂觀。咁鬼鴿派言論， 美股都以緊貼全日最高位收市。
不過，最爆是，Tesla投資Bitcoin，並預計在不久將來接受以比特幣付款買車的消息，刺激這種全球最大規模的加密貨幣再創新高，無巧不成話，我尋日朝就同學生講我買左BTC相關挖礦股 #1263，能夠早tesla消息六七个鐘作部署，與有榮焉。
港股昨日一度急升400點，但收市只升得30點，北水今起開始暫停，沒有北水支持，重磅股頓失動力。由於北水交易今起暫停，市場之前熱炒的半新股顯著回調，#6969思摩爾全日急跌逾4%，#9633農夫山泉回落近3%。今年新股王#1024快手表現反覆，曾下挫至283元的上市後新低，但尾市倒升1%，開始有得炒炒。
對於汽車，特別是近期汽車缺芯片嚴重，#2333長城汽車算上了風口，其與智能芯片公司地平線已展開合作，強強聯手，加上長城汽車1月銷量爲13.9萬輛，同比增長7成幾；將來值得每每揾lego（我的專用產品）炒長城。
在sun channel都同你講過氫能源汽車是未來的發展方向，其實在重卡，客車，商用車上好過鋰電車，起碼不存在鋰電池報廢污染問題，真正的零污染。#2338濰柴動力於氫能源產業鏈，行業龍頭，將於今年推出燃料電池重型卡車， 值得捧場。
重卡市場銷售方面， 各類車型18萬輛，預計同比增長54%，環比增長64%，創歷史新高。另工程重型機械板塊集體強勢， #631三一國際升15.23%， #1157中聯重科升8.88%， #3808中國重汽升3.51%。短期升幅偏大， 注意獲利， 之後仲有得來。
耶倫馬不停蹄地 hard sell ，話大規模刺激措施對疲弱的勞工市場是必須的，亦預期有通脹風險。耶倫講得如此明白，通脹預期， 刺激有色金屬大宗商品市場； 最強的是鋁行業，是#1378中國宏橋， 其次是#2600中國鋁業。再是銅類的#358江西銅業， #1208五礦資源等，順帶把鋰電池的#1762贛鋒鋰業、#3993洛陽鉬業也帶起。如果大宗商品市場處於非常強勁牛市，新興市場貨幣勢必升值，美元則會持續貶值。
講番細價股似才剛剛開始熱身，睇睇升幅榜，頭十位股份升幅介乎41%至131%不等，公司名有科技、網絡、通訊、共享、互動等字眼都非常狂熱；
我有炒#136恆騰網絡爆升49%，資料話旗下南瓜電影APP 1月份新增註冊會員85.8萬人，新增付費會員91.5萬人。南瓜電影累計註冊會員3610.7萬人，付費訂閱用戶592.7萬人。我就話炒唔駛理由，最緊要識落車。
#9911 赤子城科技爆升33%反而唔同 是赤子城科技旗下的核心社交應用之一，主打開放直播社交，提供交友、直播、視頻聊天等功能，2014年開始開拓全球市場，旗下MICO憑藉在社交出海市場的快速增長，此股為快手影子股，同樣主打音視頻社交視頻模式。此前更發盈喜，總收入按年增長150%至250%，未來會拓展「流量+社交」的模式，亦會探索在電商方面的可能性。都係嗰句啦升咗咁多，上車講膽量，就算回下都正常，搵位再炒啦。
快手沉澱中需要時間。不過相關題材繼續的炒作如有類似業務的1980天鴿互動，主要於從事經營實時社交視頻平台、手機與網絡遊戲及廣告等其他服務， 作爲最老牌的直播個股市值才16億 .#2100百奧家庭互動 獲騰訊入股表現也繼續創新高升18%，好過炒ATM，但當然風險就大好多。
想穩陣啲不如消費類有#1999敏華控股，預期內地軟墊傢俱市場於2019-25年度預測年複合增長率達9%，由躺椅沙發和牀墊所帶動，有曬軟墊，股价跌落嚟都冇咁傷，啋！
不過，其他都冇咁緊要，p圖我暫寄與厚望，我炒炒而已，我太座係佢die hard fans，我每朝在家都要嗌“加油，1357，加油！”先准番工。
“加油，1357，加油！”番工喇！
士佳說 - 張士佳 舊文
來源 source: http://skycheung.weebly.com