士佳說 - 張士佳 2021年5月27日
【#士佳說 】張士佳：炒家的觸覺
【#士佳說 】張士佳：炒家的觸覺
晨早5:00爬起身睇superblood moon順道寫這市評 ，我對天文學測市無研究，但無巧不成話，回想上一次我見到係2019年一月，當時市場跌完開始升，從27000升到後來30000點，有D似現在，昨日港升勢繼續，裂口高開，但就冇週二升得咁猛，昨日我即市做了兩三次淡，都和和果果，市好玩，個股更甚，但昨天我唔係拼命入貨，要入前天已入夠，相反我係走位多。
#6969思摩爾就係一例，大家應該知道我上次大跌開始反彈時揸咗，我估計好多同學都有跟買，我唔係入得好低大概$53左右入，都算幾重注，最近升到$62，升得幾好，尋日寫“士佳說”，我都話先前升得好嗰啲實唔炒，昨日一開出來，大市裂口高開，佢開不到裂口不特止，仲一開就跌，炒咗咁多年點都會有觸覺，我$60通報食糊鬆人，誰知下午新聞先至出，崩一聲落到$51，借口係國家衛健委和世衛組織駐華代表處發佈有充分證據表明電子煙是不安全的，會對健康產生危害, 股價立即急挫. 唉，係人都知啦，另一邊廂，指剛剛加入電子煙生產線的#285比亞迪電子又升咁多，根本就係炒作，我懶得分析，但不得不說比亞迪電子的製造能力確實超強，如改制口罩生產線就很成功，這次又進軍電子煙市場。
騰訊突破後收陰燭，達唔到我入市嘅要求，開得太高了，港交所股價再升仍強得很給力，大升之時我慣貨如輪轉，內地券商股相對落後，我就食糊走位，打算回調會再吸納, 美團京東即日自高位回吐幅度頗大，看來不是非常強勢，美團高位我有追入，即時中伏，還好注碼不大，可能失了先機要等一等。
衆多隻疫苗之間也有着他們的輪動旋律，臺灣要求開放授權地方政府購買疫苗，表示已與代理商上海#2196復星醫藥接洽過，準備動用預備金購買30萬劑德國BionTech疫苗，免費供縣民施打。大陸方面，各地陸續有一些案例，導致接種的步伐也在加快。#2196復星醫藥破頂加速上升. #1099國藥控股也有共識地突破。
#1666同仁堂科技及#3613同仁堂國藥同時間爆上因合作醫藥電商業務，擴大品牌影響力、拉動產品線上銷售有利其業務長期發展，值得吼；另外#512遠大醫藥升近13%, 日前在比利時順利完成用於治療重症新冠感染IIa期臨牀試驗的四例患者入組，並順利完成連續給藥。醫美市場方面我上午也有食一些但係就冇理手上的460四環醫藥，水光針的成分主要是玻尿酸和肉毒素，四環通過與韓國生物製藥公司Hugel公司簽署獨家代理協議，醫美發展更進一步股價也在反映同步向上中。
今日唔講咁多股，費事大家亂入，估計短期整體中港股市有點回吐壓力，29272暫時似封一封，不宜放肆，板塊輪動地炒，市場資金以短線操作個股為主而已，寫稿之時，欣賞緊superblood moon ，好少睇到月亮咁光咁大，誇張到唔使點開燈都可以寫稿，非常假，仲假過＃6969的走勢，但假唔假都好，總之就係良辰美景，值得欣賞，希望你有參與。
士佳說 - 張士佳 舊文
來源 source: http://skycheung.weebly.com