士佳說 - 張士佳 2021年5月3日
【#士佳說 】張士佳：買左保險，才放膽炒
【#士佳說 】張士佳：買左保險，才放膽炒
上星期五做Sun Channel 都品評左市況同一些板塊及個股，大家可到此link update先。
我在Sun Channel 提到的期指位28448，週五內地製造業活動有所放緩，中國4月官方製造業採購經理指數PMI回落至51.1，遠遜市場預期，令A股在五一長假前反覆受壓，當日講完28448，當日竟然就試，經歷上周五大跌接近600點，也不只上述原因，阿爺對科網公司的反壟斷打壓是原因之一，但更利害的，主要是一眾內銀股。建行、工行原本成個4月份都已經唔跟大市上升，上周五齊齊急跌3%，成交又大增，顯得頗唔尋常。內地A股無端轉弱會唔會華融有關，市場人士難免杯弓蛇影。最新風險來自內房債，華夏幸福債務違約、禹洲集團業績大跌，都在反映內地房地產商於人行收緊貨幣政策後遇到的困境。所以市場驚定先。總之，若陰燭收穿28448，市就回的機會較多。
雖然大市周五守住28448，但久守必失，都係淡既多，但識玩就好多股票玩。
例如，節目中我好多隻市場上耳熟能詳的股，我都話唔好，卻品評了一些醫美股，其中瑞麗醫美#2135即日就升了40多%，市場都對在下給足面子，如果嫌#2135市值太細，我節目提的另一隻#2196復星就大得多，仲有埋疫苗概念，當日都升7%。中國很有可能在7月以前批准BioNTech和#2196復星醫藥聯合開發的新冠疫苗，疫苗生產工廠以及冷鏈配送演習等準備工作正在進行中，一旦疫苗獲得授權，將會在國內迅速推出，因爲大規模生產的關鍵步驟已經接近完成。若國內批准復必泰疫苗進入市場，或將成爲復星醫藥催化劑。復星醫藥旗下醫美業務又正加快發展，另90%研發投入用於創新藥，有大行調高其目標價由44港元上調至52港元。
時間所限手上持股都講唔得咁多，其中有升有跌，但升的就爆上，跌的多是微落，就像#2331李寧及波司登#3998都係蝕了3幾%投降，蝕得最多的是#1773，尤幸我近年唔信教育股，只係小注玩玩，但鹿死誰手，仍未得知。
升的就比較放肆，像晶門#2878如入無人之境，升了七六成有多。#323成近來愛股，周期股都未有時間在節目中講，少人提的#1258就食左先，等破位再來。
仲有，先前一字記之曰「航」，話突破再追，上星期起動，實行再買。
咪見我買得咁放膽，不要忘記我上月中買了倉壽保險，所以才敢下注。
士佳說 - 張士佳 舊文
來源 source: http://skycheung.weebly.com