士佳說 - 張士佳 2021年5月7日
【#士佳說 】張士佳：長短相沖唔易做
【#士佳說 】張士佳：長短相沖唔易做
昨日北水重臨，先升中段跌，尾市中間位收市，唔湯唔水，中長線受制於美息及收水預警，短線剛受惠美股7連陰的反彈，長短相對，無咩好做。
昨日手上持股，除了疫苗股都很好，但升幅就比疫苗股跌幅蠶食曬。
我教學生即日跌到某一比例就要先走，所以尋日疫苗傷但不是重傷，現在股市癲既，可以賺唔走，唔可以蝕唔走，其實疫苗之所以要人投入，係因為有利可圖，智識產權係必須，你可以要佢賺少Ｄ，而且不是一家壟斷，只要不圍標，自然有價格競爭，雖說非常時期用非常手段，如此情況我覺武斷，未必易通過，咩都訴諸法庭，有排攪，所以我走了＃6185 ＃2196，但尾市入番＃2196，且看後市點，唔排除＃6185搵機會入番，但就唔係今天了。
好多朋友都以為北水假後回來買貨，但只係其實有沽有買，#3690美團、#700騰訊；#2382舜宇、#2400心動淨走。間接導致科技股走弱。反而北水淨買入最多的個股是#1810小米集團、#883中海油、#2331李寧。
內需股見北水流入國產替代強勢品牌，比如說像#2331李寧、#2020安踏、#3998波司登、#1368特步國際這類，節日銷售還不錯，李寧升8%再破頂因其天貓旗艦店銷售同比大升逾8倍，而催化因素是李寧同安踏傳出價競購Adidas旗下連年虧損的Reebok，品牌已經沉寂一時但仍有其海外消費人羣及市場，如果價格合適，將是一筆不錯的買賣，對國產品牌進入國際市場有好處。逆市中仍能以此強勢，值得尊重，但升幅已巨，我持舊股便算，現在如再有某板塊的突然壞消息，我會再減持多些，個市令人忐忑。
883中海油少有地獲北水狂買。消息面上，商業原油庫存意外降幅超預期，精煉油庫存降幅超預期，又在OPEC增產幅度有限的背景下，全球原油需求前景卻在繼續向好，這有望繼續推升油價。其實在一衆資源股當中油價低微一直被忽略，反而現階段最為值得注意其上升空間，而的我今年利是股#568山東墨龍做油礦開採相關，昨天又一棍崛起，先前已獲利左大半，昨日加番啲博破頂，仲有尋日提鐵礦細股，升左10幾％，補番疫苗股損蝕，功德無量。
士佳說 - 張士佳 舊文
來源 source: http://skycheung.weebly.com