士佳說 - 張士佳 2021年6月18日
【#士佳說 】張士佳：通過照妖鏡的板塊
【#士佳說 】張士佳：通過照妖鏡的板塊
昨日出現反低潮，個市一升，乜野美聯儲暗示2023加息，即刻冇人在意，炒得耐嘅都知道呢啲係為解釋而解釋，見怪不怪。
我哋執一執倉，輕身上路，跟住跌市照妖鏡，去選擇板塊，集中出擊，做得好舒服。
最爆梗係新能源車，我哋先前走剩半注比亞迪1211，國策擬扶持晶片業，日前因晶片供應緊張而捱沽的汽車板塊明顯受惠，有學生問等唔等爆頂先加注，輕咗身唔使等，10點鐘已經叫加，尤其是佢獲股東通過分拆半導體業務上市，搭上了半導體題材的快車，升得更理所當然。美新能源車xpev 及nio 都升破左三個月頂，我估計其他汽車股都會跟隨慢慢復甦。
另一樣最爆嘅係芯片，中國將支持芯片研發和製造項目，劉鶴親自領導，幫助國內芯片製造商。#981中芯國際，#1347華虹半導體強勁反，#2878晶門半導體通通都升，我本身冇在手，唔想追住新聞炒；我只買入左#3898中車時代電氣，可能大家唔知佢都有電力半導體，仲好似比亞迪咁樣科創版上市，雖然營收只有20億左右，我貪佢又有半導體又有基建發展。至於其他半導體股我等訊號先至參與。
科技板塊除了芯片類，我亦留意整個手機產業鏈重板塊，先前我有#2018瑞聲科技，昨日食咗私有化嘅#410 SOHO，換入光學領域的#2382舜宇光學及#732顯示屏的信利國際。
近期體育用品板塊熱炒，除咗比亞迪我覺得佢哋都係消費嘅王者，所以點都唔走，#1368特步自引入高瓴戰略投資，分別認購該公司及旗下特步環球可換股債券，新收購的品牌如Saucony、Merrell、K-Swiss和Palladium有助產品升級至高檔次，預料特步將進入新增長期，昨日股價再破頂，勁升近16%。也帶起361度創4元即市新高。#2020安踏體育收市後發盈喜，預告今年上半年溢利按年大幅增長不少於1.1倍，股價偷步炒上，#2332李寧緊隨其後，我冇2331在手，但上次節目都話咗俾你聽炒8032，7月5號除浄前，都係跌跌升升升格局。
尋日晨早提學生寫漏咗航運要持有，運力的緊張格局預計短期很難緩解，求過於供，最終只能是不斷漲#1919，#2343之外，關注一下集裝箱龍頭的#2039中集集團。
B股的#2616基石藥業-B將與輝瑞PFE.US在大中華地區針對ROS1陽性晚期非小細胞肺癌開展合作研究，共同開發勞拉替尼，所以股價亦都非常對板，係唯一近日創新高嘅B股，買咗嘅就坐，未買嘅等回一回，再破頂就上車。
士佳說 - 張士佳 舊文
來源 source: http://skycheung.weebly.com