士佳說 - 張士佳 2021年7月12日
【#士佳說 】張士佳：汰弱
【#士佳說 】張士佳：汰弱
上週五收市後有兩個比較重要的資訊：人民銀行上周五宣布全面降準， 是次力度好大，一次性下調金融機構存款準備金率0.5個百分點，有別於一貫的0.25個百分點。而預期釋放的資金是超過一萬億元人民幣。全面降准算是超預期，流動性再度變得寬鬆。為近日疲弱的港股帶來好消息。
同時，官方公佈了六月份的CPI、PPI升幅雙雙回落，新增貸款，社會融資規模以及M2等等數據就勝預期，可見通脹稍微回落，就給國內的貨幣政策帶來點寬鬆餘地。似乎中國開始慢慢放水，但又或反映經濟增長可能進一步放慢。
減存凖前，期指見26,800左右，A股就相對硬淨 ，可能有春光鴨知道降準放水吧。不過港股的短中線趨勢都完全走壞了， 中國科技股過去兩周慘遭洗倉，科指爆底，跌近4%後快速回升轉升，午後一度倒升1.7%，相關科指成份股集體急彈，可見有買盤博反彈，其實跌到27000附近即250天年線有個大d既反彈係不出奇，不過半年嘅升幅就真係暫時被抹去了。一衆科企也未必可以輕易短期盼望轉勢。
短中線期間成個市場氣氛或者環境固然係差。所以之前叫高位減磅，並要每次入市前定下止賺止蝕要控制返合適的倉位，或者執倉汰弱留強，在正常操下下，仲有啲倉位在旁身，所以手上揸住的強股又不一定要全面清倉。怎樣去判斷為強股呢？
大市上星期五反彈，手上股票如果跟到大市彈當然係好基本，若然可以升穿7月8日嘅燭身頂而之前又冇無穿支持底的話，呢D股票後市就可睇高一線，值得記錄，後邊寫咗一啲股票，但係我怕大家誤會，以冧把為主，其實知道邊類型股票係強嘅另一個特點，就係知道邊啲股票係弱，現在反彈來了，就應該汰弱留強，但千祈唔好只係注重留強，汰弱才是重點。
舉幾個例子：
ATMXJ中，後市相信 #1810小米 #3690美團都係較好, 北水資金週五流入部分科技股都係以呢兩隻為首. 小米更耗資約1.97億港元購回775萬股B類普通股，每股價格爲25.20-25.45港元。這個絕對係小米價值支持參考位置。
連日來都重點提到了新能源汽車。6月中國汽車企業出口15.8萬輛，按月增長5%，按年增長1.5倍，6月出口再創歷史新高。龍頭之一的#2333長城汽車暫時是最強電動車概念股，大升8%, 今日如果再高開就要留意28.2 的阻力位, 企穩可以等睇多一兩日， 如果做陰燭即係市場鬥快食糊，有貨都要先食，寧願待做了阻力位後再升穿再買都未遲。
汽車產業鏈方面；我sun channel 都提了電屏上汽乘用車與京東方精電聯合在汽車智能座艙顯示技術研發、產品設計，以及整車應控顯示屏、柔性 OLED 以及透明車窗顯示等深度合作。#710京東方精電近期持續獲資金追捧，顯示屏龍頭#732信利國際均表現不俗。另外鈷酸鋰等產品報價亦在本月以來持續上行，#3993洛陽鉬業急升，今日之後回一回再破頂上可關注。
先前同學生講咗二線太陽能板塊，針對推進光伏電站政策實施, #750水發興業能源、#712卡姆丹克太陽能表現搶眼。另外幾多玻璃股有異動，也有消息。#6865福萊特玻璃淨利潤爲人民幣11.6億元到人民幣12.6億元，同比增長超過150%，好消息之下表現都普普通通，我走位了，待陽燭升穿33.45 先再諗，還有#3300中國玻璃， #1108 洛陽玻璃都在冉冉上升，要留意，不過我信義玻璃868就走了。
上面好似寫咗幾多股，但其實唔得嘅仲多，而家恒指夜期隨即被挾高460點，今天高開，收陽的難度很大，加上28080點左右阻力不輕，不宜高追，睇吓做唔做到全日上升裂口先至算。反之，26800 至27000為支持位，若再度收跌穿26859往後走勢就相當不妙了。
士佳說 - 張士佳 舊文
本文作轉載及備份之用 來源 source: http://skycheung.weebly.com