笑到最後｜財演大爆發方程式（高明）
笑到最後｜財演大爆發方程式（高明）
自問都係一個會喺鏡頭面前或者透過文字講股票嘅人，只要有觀眾，就要交戲，所以自己都係一個演員，唔會覺得呢個字有咩負面意思。
究竟咩係財演？記得幾年前同利世民、李聲揚喺FCC食飯嘅時候研究過呢個問題，最後結論係，凡親所
有會喺鏡頭面前講股票嘅人都係財演，全球最有錢嘅財演，就係畢菲特。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
自問都係一個會喺鏡頭面前或者透過文字講股票嘅人，只要有觀眾，就要交戲，所以自己都係一個演員，唔會覺得呢個字有咩負面意思。
財演要交戲，與其現場爆肚，不如一早寫定對白，臨場發揮時，只需要顧及演技，無需要再諗內容，有助事半功倍，呃更多likes。呢啲對白，其實係有一套方程式。
一、散佈恐懼
事實證明，一個睇好嘅財演，係冇觀眾嘅。情況就好似黃飛鴻大戰石堅，主角其實係石堅；又有如鹹蛋超人，主角係隻怪獸。站在財經角度，股市就係鹹蛋超人，你衝出嚟搶鏡，就要做怪獸。
怪獸嘅作用，就係要散佈恐懼，等大家都驚，驚就自然要睇你，整整嚇就會有觀眾。
一個專業嘅演員，一定要反覆咁講大爆發，持倉收緊收緊再收緊，日日都教人好恐懼咁過每一個交易日，一班恐懼然後成觀眾嘅人就係咁嚟。
二、玄之又玄
究竟幾時股災、幾時大爆發？千祈唔好畀一個確實嘅答案，永遠都要玄之又玄，當俾人問起，最緊要背熟呢句對白：「未來14日係關鍵」，今日講咗，聽日可以再講， 14日後都可以再講，總之永續未來14日關鍵日，最好附加一個風水師手指運算嘅動作，眉頭一皺，令到大家呢14日誠惶誠恐咁過。
如果同期有人舉辦招股活動，就大大聲聲咁講，叫主辦單位「三思而後行」。萬一講唔過人，就叫人「封倉」，「一定要在盈虧輸入上做到滴水不漏」，因為冇揸股票，永遠立於不敗之地。
三、解決方法嘅偽命題
經過頭兩個方程式後，開始會有獨立思考嘅人走出嚟問：幾時可以過正常生活買股票？如果你答佢可以買股票，就一次過推翻曬之前講嘅所有嘢。
一個成熟嘅演員，就會提供一個偽名題：就係叫你買完之後對沖，等啲股票好似打咗補針咁，即使股災都唔會contagious。
記住、記住、記住，千祈唔好講對沖嘅副作用，一味叫人對沖就得，加多句「當整個市場有七成人做對沖，就會群體免輸」。
由於經歷一同二嘅階段，你已經儲左一批打手，可以派佢哋去抹黑啲懷疑你嘅人冇做對沖、冇盡股民責任。
四、一旦對沖都輸凸，就話之前情況有變
由於上面嘅聲勢太過浩大，社會上九成人都已經做咗對沖。但係做咗對沖嘅人一個接一個咁輸錢，甚至爆倉，理據開始站不住腳。呢個時候就可以話「唔好再諗免輸屏障」，質問點解覺得股民就算做咗對沖就唔會輸錢，然後再將對沖同封倉兩個本身有矛盾嘅概念打包一齊sell，對沖兩次唔夠，要補多第三沖。
當你嘅言論自相矛盾嘅地方越來越多，之後仲可以賴外圍，話英美股市仍然風高浪急，所以要繼續對沖同封倉，直到永遠。
結論：
睇完自己寫嘅上述四點，不禁令自己反思，細個點解唔讀好啲書去讀醫科……
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com