人人都有樓，點解仲要走
有老友問是不是每一個移民離開香港的人都有自住物業，我話這條問題白癡，唔會答，老友亦知道答案，不過佢話很奇怪，因為有評論員話，樓市有很大機會下跌三成，因為一年內有9萬人移民離開，以3個人一個家庭為例，即是有3萬個家庭，只要有一半家庭要賣樓，就有1.5萬個住宅單位
供應，等於全年供應量，樓市想唔大跌都唔得。
有很多人認為，那位評論員非常有勇氣，夠膽話樓市下跌三成，一定會有很多人挑戰佢，我話預測樓市下跌三成絕不大膽，話每一個移民離開的人都有樓賣才真正是大膽。不過，大家都明白，那位評論員可能太心急話樓市會大跌，唔記得並不是每一個移民離開香港的都有自住單位，反之大多數移離香港的人是沒有物業，有樓的人會話，既然在香港有樓，當然是香港的生活環境不錯，搵到食，點解仲要走。
大家對於移民有一個錯覺，以為全部都是因為政治立場不同，或者不滿意香港政府，我估計一定會有，但為數不多，移民離開的最大原因是在香港搵唔到食，希望去一個新的地方可以重新開始。如果有樓，表示生活得不錯，當然唔會走。所以，以為移民賣樓而令香港樓價大跌可能是一個誤會，如果有樓，點解仲要走。
作者為紀惠集團行政總裁
文章轉載自「AM地產」facebook:
http://bit.ly/2wls4EF
湯文亮專欄 - 湯文亮 舊文
本文作轉載及備份之用 來源 source: http://www.am730.com.hk