士佳說 - 張士佳 2021年8月31日
【#士佳說 】張士佳：信邪
【#士佳說 】張士佳：信邪
週末回來，港股未有太多的消息，較多是業績相關的新聞，影響個股的個別發展。而交投時段，科企在未再有監管消息，美國放水之期又似遙遙無期，部份科技股有輕微回勇的情況，帶動大市反覆向上，期指只反覆上升160點，但我們手上的電力、汽車，新能源板塊及消費股都跑出，為市況增添番不少生氣，冇睇以為大市升500點添。
到收市我都有出返些少貨，今日返嚟開市會出多些，無他，純粹信邪。過去兩年，期指結算日（很多人以為昨天是期指結算日，我教過很多次其實並唔係，昨日係kk最後交易日，今天才是結算日）多數都陰燭下跌，所謂多數，係24次裡面做到陽燭的只有六次，所以今日唔敢淨買貨，出番啲貨先，真係好想買，都只能換，買入之後都要出返另一啲貨，甚至等收市先至入。以下股票我叫同事準備啲簡介，係俾大家收市前先參考。
美團係焦點，第二季收入按年升77%，經調整虧損為22.17億元，都勝預期。其實虧損早已被管理層提及，其中外賣業務賺24.47億，按年升95.2%，經營利潤率亦改善唔少。儘管新業務仍是燒錢狀況，整體仍算是不錯的表現。不過科技股的焦點不止在於此，業績報告已提到政策風波仍是短期較大的風險，甫出業績後，市監局就指要調查收購摩拜單車的事宜，以閃電的速度作回應，情況福禍難料。
手遊股：
尋日收市之後，國家新聞出版署下發《關於進一步嚴格管理 切實防止未成年人沉迷網絡遊戲的通知》，通知列明將嚴格限制向未成年人提供網絡遊戲服務的時間，所有網絡遊戲企業僅可在周五、週六、週日和法定節假日每日20時至21時向未成年人提供1小時服務，其他時間均不得以任何形式向未成年人提供網絡遊戲服務。
其實這個都唔係咩新事，早前官媒就有發文以「精神鴉片」形容網絡遊戲，雖然其後帖文被刪除，但我亦有在士佳說中寫，政策主軸仍在，所以亦一早提大家要避開相關股份，亦叫大家撈底亦未是時候。
週期大宗商品：
中央明確支持國內鐵鋼礦石資源的開發並加大鐵礦勘探力度，市場主攻方本身有礦的企業如鞍鋼股份#347、馬鞍山鋼323。還有有煤礦的中煤能源#1898，兗州煤#1171。另外超強鋁價及需求使#2600中國鋁業再破頂，#486俄鋁趕上。以上股份我得壹隻，錯過咗，冇辦法，我唔係極度進取，冇可能揸晒咁多板塊，而家升咁多更加唔會入，我等調整先至算。
新能源汽車及鋰電池：
市場焦點放於電動車的業績後的走勢，我尋日都講#2333長城汽車同#1211比亞迪嘅業績高下立見，結果長城汽車升多好多，係理所當然，記住#1211市值2000幾億，長城得千幾億，轉啲錢過嚟長城會升得比較多，但比亞迪亦都唔算差，低開但尾市有所回升，相信市場主要期待的是其刀片電池可以和Tesla合作，股價系249蚊附近已見支持收市上番261，似乎市場肯於低位承接，股價動力並不弱，陽穿273.8，可以再次關注。不過我都係鍾意長城汽車#2333多些，開市就由頭先到尾，最強勢。長城有坦克300等熱門車型持續熱銷，吉利#175就有極氪智能科技有五大巨頭投資市場都好buy，而且北水淨買入最多的仍是吉利汽車。總括三頭馬車的表現，長城汽車最強，不過整體表現尚算不俗，仍然在上升趨勢當中。
尋日教大家不如炒電池資源，結果1772 鋰真係升，據消息Tesla Model 3，用戶如果想要提前拿車，可以選擇磷酸鐵鋰電池。Tesla採用磷酸鐵鋰會有很多車企會跟風使用，市場對三元和磷酸鐵鋰材料長期需求，這無疑刺激擁有碳酸鋰資源的贛鋒鋰業#1772，昨日大升有理。贛鋒A股升一成，更即升停板，長期都幾看好。1091繼續chok到飛起，先前未升我夠膽重注，現在小注怡情算了。
新能源股方面，我揸住1811 中廣核新能源及956新天綠色能源都創新高，我上個月都已經講佢哋，現在懶理點解升了，我覺得一切都係藉口，總之幅圖出信號及唔會大力監管，我就買及坐，唔見出貨訊號都唔走。
上星期亦有提及玻璃股四隻揸住三隻，其中 #6865福萊特玻璃同 #1108洛陽玻璃股份就率先跑出，原來有指滙豐預計太陽能玻璃9月會迎來今年首度加價，亦有大行指料下半年光伏裝機速度將會加快，又話明年會新增投放硅料產能。市場預期光伏玻璃價格及銷量持續上升，消息利好其業務收入，#6865 曾經我都有走錯過，好在後尾入得返，先至冇錯失琴日大升，不過我都係比較鍾意先前比較無風無浪嘅#1811。
反正信邪，唔寫咁多，等收市先至算啦。
士佳說 - 張士佳 舊文
本文作轉載及備份之用 來源 source: http://skycheung.weebly.com