笑到最後｜教你如何將買股票＝買菜（高明）
笑到最後｜教你如何將買股票＝買菜（高明）
上網有關街市菜檔嘅資料根本好零散，只係事實嘅一小部份，亦都有可能失實。
有一種投資教育嘅聲音成日都教人：「先求知後投資」、「買賣股票要做足功課」，基本上係教人買賣股票投資要做好嚴謹嘅分析，甚至考個CFA
先至好去買股票，要學識某啲嘢，先可以開始買賣，諸如此類。
下載Yahoo財經APP
美股、外匯、加密貨幣免費即時報價，自選投資組合獲取相關新聞提示。
呢個講法由於似是要非，究竟點先為學得識：一個財務學博士，佢可以教你好多理論，但佢未必係一個成功嘅投資者，某啲嘢其實未必教到你；反之，一個冇乜讀過書但係投資成功嘅人，佢充滿經驗，但係要佢有系統咁教你又未必得。
一開始講投資要求知論點，情況就好似一個畢業生搵第一份工一樣，每一個求職廣告都要求你有兩年經驗，但係如果你從來未打過工，嗰兩年經驗點嚟呢？
好彩嘅係，對於投資嘅法例，尚未嚴格到要先有兩年買賣股票經驗先至可以買賣股票，上述投資在投資理論只係道德層面嘅要求，一般人只要開到股票戶口就可以進行交易。
高明認為呢種「先求知後投資」嘅論調啱咗一半，亦都錯咗一半，了解買咗啲乜嘢，的確好應份，但係中間所謂求知嘅知，大部份時間都係來自直接持有資產嘅經驗去獲得。
買咗先知啱定錯
上邊呢一段字可能好難明，如果用買菜來比喻買股票，我哋去街市買菜，一個普通嘅家庭煮夫，特別係喺一年前WFH無啦啦冇得出街食，要自己買餸煮飯，走入街市，根本無從得知邊檔嘅菜清甜啲、邊檔嘅菜農藥味重、買邊檔嘅菜返屋企會俾老婆鬧。即使你去問多啲、上網做資料蒐集，其實都冇用，因為你直接問菜檔檔主，佢一定話又新鮮又靚；上網有關街市菜檔嘅資料根本好零散，只係事實嘅一小部份，亦都有可能失實。
唯有真正買棵菜，返屋企煮，放入口一食，知道瀨咗嘢，俾人鬧，你先知邊個菜檔以後誓死不相往來。買菜係放入口、吞落肚之後先至買啱定買錯，情況有如買股票後，經歷過箇中消息引致嘅波幅，先至有真正嘅股票知識，就係一開始講嘅求知，亦都係傾計冇股冇計傾。
買股票就係買菜，比起買菜有更大嘅優勢係，買股票買錯咗，可以喺交易時段內即時沽返出去，買菜買錯咗，唔能夠修正。至於呢度成日講嘅美股，比起港股嘅優勢係逐股逐股買，大部份股份每次買入嘅成本低過港股，變相你可以先將股票放入口，咀嚼完，先決定吞落肚定係吐出來。
當然，如果要貫徹買股票＝買菜嘅精神，就一定要同老婆開一個聯名戶口，戶口入邊最好係炒佢嘅錢，甚至係佢份首期，佢做客、你做基金經理，然後專注買賣，有一個人就會萬分關心回報，當瀨咗嘢就被人鬧，有一道有形嘅力量，鞭策你投資知識進步。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com