士佳說 - 張士佳 2021年9月6日
【#士佳說 】張士佳：股好玩
【#士佳說 】張士佳：股好玩
回顧一下，科技指數全週升6%，過去一週科指就有四日跑贏指數，斷續地已經有8日跑赢，更從低位反彈了近兩成。要注意自二月份科指被殺估值到8初的中央監管政策，科技股股災式下跌以來，都未曾出現過科指能持續地跑贏大市，我傾向相信科技股股價很大程度上已經反映了監管風波，但也不要太開心，蟹貨重重，只能候低吸納，我都繼續覺麻麻哋，咁多其他好嘢買；致於個市發來發去，無謂估，專心玩股好過。
北京將設證交所為內地第三個證券交易所，港交所#388應聲下跌2%；週末港交所推行半價減價計劃，今日開市應該有啲反彈。不過，筆者覺得大部份睇漏咗週五港交所行政總裁歐冠昇彭博的訪問，佢話內地數據安全審查適用於全球各地市場，認為香港不大可能因此取得獨特優勢，這或打消市場本來對新股難外國上市，從而轉而到香港上市的憧憬，我就暫時唔會買，仲會趁反彈沽來對沖下添，要買都買內地券商啦。
周五收市後，比亞迪公布8月銷售錄得強勁增長，可能與其本身擁有半導體生產，受晶片短缺影響較輕微有關。我會走#175#吉利𨍭等#2333長城汽車陽穿36.65 再炒。
碼頭積壓了大量貨物，那邊廂運輸公司又無法大幅提升貨運能力，結果拖慢了海航運的進度，航運股亦有回落。中遠海運集運32艘手持訂單全部由旗下船廠建造，而控股子公司東方海外#316又訂造10艘新集裝箱船。中遠海運#1919集團上半年爆賺370億，還用100億造船，加速了造船擴張，相信股價不難再展升浪。
小弟上月sun channel 提大家電力股，市場比足面，繼續高歌猛進，連#3996中國能源建設將回A完成整體上市，成爲A+H上市公司，週五升14%，已經進入無頂狀態嘅電力股新能源股有好多，此刻，可以留意比較落後的潔淨能源股，如北控清潔能源集團#1250；順風清潔能源#1165；協鑫新能源#451。還有較低調的較綠色動力環保#1330及光大環境#257，呢啲股風險梗係比較大，落後總有其原因，真係純粹愛屋及烏咋。
上個禮拜叫大家留意弱勢股，多年弱勢非#267 中信莫屬，結果表現都好好，只一類弱過藥煲嘅航空股，我都有關注。逢東方，我都有買咁滯。
士佳說 - 張士佳 舊文
本文作轉載及備份之用 來源 source: http://skycheung.weebly.com