士佳說 - 張士佳 2021年9月9日
【#士佳說 】張士佳：調整市的操作
【#士佳說 】張士佳：調整市的操作
昨日指數高開後輕微倒跌收市，市場出了不少負面消息，投資者趁機獲利回吐有點沽壓；圖表上，如果抄足2018年，都差唔多喺到阻力，再睇返騰訊銀河，都係要回一回再上先至夠力，所以傾向大盤回吐，個別板塊突出。
手遊股再有監管隱憂，中宣部、新聞出版署約談騰訊#700及網易#9999，網易股價在美股跌超5%，今早要留意遊戲股表現，睇吓會唔會調整或者反常，大型科技股之中，似乎係京東反彈最厲害。
中國恒大#3333債務危機沒完沒了，而且愈演愈烈，據消息已沒能力償還銀行到期的貸款利息，股債雙殺，對內地金融或構成影響要小心事態發展。還有週末提到對金融機構的監管，海通證券昨晚被中證監立案調查違法違規行為，或許是平保風波後，另一整頓的兆頭。
汽車股方面，北水撤出三頭馬車引起沽壓，長城＃2333 8月銷量按年下跌17%；今年首8個月銷量就按年增長39%；但市場似乎吾收貨，由頭沽到尾，我主力得吉利，都下跌，上日等長城破頂入，無破頂，可能係小調整先兆，都係汽車設備股價穩陣穩陣，天工#826 又破頂，升到唔敢再買嘅558都挨近個頂，如果唔怕走勢核突，圖表難炒，力世紀# 860都係未升嘅汽車設備股，佢嘅ESO工程服務委外，可能係下個奇葩，但呢隻股蟹貨重重，反覆難免，大家自己要做下功課睇吓有冇conviction。
大市一堆壞消息，又似是調整嘅開始，都係玩股好，只要注碼得宜，政策受惠股遠跑贏大市。好似之前我話水泥唔會受監管，結果就提都冇提過，乜嘢約見都冇，股價就由底標左上嚟，跟住我話水泥升太多，不如求穩轉去基建三寶（中交鐵建），結果水泥食得好好，基建三寶繼續升，肯研究圖表lego ，再睇睇政策大方向，唔難捉到。
近期反覆提到的週期大宗商品不負衆望，除了鋁鋼鐵繼續有得升之外，昨天主要有#中國中冶1618跑出。但要留意國家發改委指出嚴厲查處榆林煤炭交易中心發布煤價不實行為，要杜絕惡意炒作煤價，昨日除了鄭煤機有較深回吐之外，其餘煤股價大致上穩定，但小心資源股已有很大升幅，現階段唔適宜高追，食半留半是王道。
上月做sun Channel ，主力都係掃到「電」，話一字記之曰電冇錯，昨日清潔能源發電繼續如預期發力，又有消息綠色電力交易試點啓動。中國電力#2380旗下山東海陽儲能電站項目開工，股價應聲炒上，其他電力股大致造好，但除咗風電外，去到呢個moment ，我都已經開始食糊，或等深一點回吐才吸納比較穩妥。
風電股表現則略勝一籌，焦點在大唐新能源#1798爆升12%；中廣核新能源#1811、新天綠色#956繼續穩定地升；細價的京能#579都有好表現。今日可留意風電龍頭龍源電力#916有沒有得再破頂，或直接影響整個板塊的後續能力。
電炒到癲，緊跟其後嘅係「航」，東方海外#316同阿媽都表現突出，尋日遇到少少阻力，睇吓調整後會唔會再上，航字太厲害連運輸支援頭兩大市值都有瞄頭。
其實航字咁勁，好大程度上同疫情有關，買得航字股，係博疫情冇咁快好轉，但疫情嘅嘢講唔埋，如果突然遇到近年人類最大嘅好消息，學行知股就會揼頭，所以要搵疫情受控受惠股做對沖，航空濠賭旅遊唔甩得，事實上，銀河#27回一回再上最好，而攜程#780都跑左上來，等回吐可以買點來對沖，而東方航空#670股價垃圾，但都向着250天線飛。
士佳說 - 張士佳 舊文
本文作轉載及備份之用 來源 source: http://skycheung.weebly.com