士佳說 - 張士佳 2021年12月24日
【#士佳說 】張士佳：半日市唔會悶
【#士佳說 】張士佳：半日市唔會悶
今日平安夜半日市，美股港股在聖誕假期前都有反彈，因市場憧憬經濟可克服Omicron疫情衝擊，指數連升第三日。尋日港股波幅好窄，只在200點內小幅上落，大概騰訊#700拉起指數居功至偉，有得升因為派發京東#9618股權給股東的神操作，變相減持京東的股份，騰訊股東開心但持有京東的就要捱價，收市急跌7%，騰訊咁樣散貨京東， 股價似乎要等多排先有機會升返。
得騰訊一隻升，好多隻科技股都要跌吾少；因市場會猜測，騰訊會唔會再沽旗下投資嘅大型科技股呢？如美團#3690、快手#1024抑或嗶哩嗶哩#9626，真係隻隻都可以沽，對科指是不利好的，故指數仍會被拖住。不過，騰訊投資就是投資，表示無意於壟斷，適當收縮戰線，似避反壟斷政策，咁騰訊股價日後可以看高一線？
尋日市場熱點重歸綠電、風電、電力設備等電力新能源板塊，尤其是中午後多隻電力股全面急升，多到不能盡錄，買唔曬咁多，只係選擇揸住龍頭其中幾隻，華潤電力#836又創14年新高，中國電力#2380同風電龍源電力#916，北水都大手加持尼三隻。新能源的新天綠色能源#956、中廣核新能源#1181，氫電的東方電氣#1072都做得不錯，新能源係愛股好耐，如果淨係睇佢哋嘅表現真係以為個市升緊八百點。
火電代表華能#902，華電國際#1071及先前有跟進追落後的電力設備股哈爾濱電氣#1133、上海電氣#2727都有跑上。就連細隻的大唐發電#991大唐新能源#1798都跟炒埋上去勁升近2成。不要漏掉電網輸電電源建設的#3393威勝控股升番6%，似乎又可以同佢死過。
期假前跟進下煤炭燃氣股，主力#1171兗州煤業續升，睇下可唔可以破到之前阻力位先。智慧能源港華燃氣#1083再破頂，今個月不經不覺已經升左30% 了。一直反覆強調綠電煤炭智慧新能源產業鏈是目前基本國情亦是邏輯最強的板塊，雖然預計會繼續走趨勢，但都升咗好多，假期前揀d來食啲糊，獲下利都很不錯，比較安心又開心。
另外，Tesla尋日再反彈炒高6% ，Elon Musk 話已經差不多沽夠，全球都期待其股價出現反彈，而且博美股反彈tesla都係不二之選。港股既長城汽車#2333、比亞迪#1211都有所反彈，不過都係留意小鵬汽車#9868多d，今日行程應該會繼續不錯。而整個汽配產業鏈揀啲有tesla概念的的浙江世寶#1057，億和控股#838等應該可以再跟升下，但都係炒一下算。
半日市都吾寫咁多，繼續持有穩中求勝的建築股中國建築#3311、同時留意上緊嚟嘅另一隻建築股#9979綠城管理。幾日假期消費股都當旺，先前功課市場飲緊農夫山泉#9633， 同#6993藍月亮都已悄悄而上了。假期都唔係冇嘢炒，coin 上足力，小心假期，冇其他嘢炒，買晒去coin ，留意coin related 股，最後祝各位聖誕假期快樂，假后回來快上！
士佳說 - 張士佳 舊文
本文作轉載及備份之用 來源 source: http://skycheung.weebly.com