士佳說 - 張士佳 2022年1月17日
【#士佳說 】張士佳：在股市致勝的三大要素
【#士佳說 】張士佳：在股市致勝的三大要素
上星期指數升左900點，期指算是硬淨，升穿24000之後只是在阻力位上上落落，未有太大回吐。觀察咗幾日，美股既下跌只係是影響港股開盤一刻下跌，低開後尾市又來收高。
全球疫情升溫亦似無乜影響港股表現，Omicron雖然傳播力超勁，但似乎高通脹仲猛於病毒，美國果邊現在以抗通脹為標的，今年有機會連環加息收水又縮表，美股高歌猛進左咁耐，吸引全球資金投入咁多年，如果慢慢退都有排回，不過相信都係回歸正常估值而已。
回顧上週港股最亮麗的是銀行股滙豐控股#005，六連升並創出52周新高，本地銀行股也不遑多讓，甚至友邦#1299都反彈得不錯。在利率趨升的趨勢下，可帶動淨息收入，而且債息抽升，對銀行業的風險應不大，不過匯豐短期升得太急，等下個阻力位回一回再出訊號先真正再買，反而本地銀行股像#2388升咗唔算好耐，冇咁誇張，再突破可以留意。
另外，疫情持續及高通脹，其實導致全球供應鏈都很脆弱，以商品股為主，其中石油、天然氣，銅鐵鋁鋼等幾個板塊應該都會持續強勢，回落要多加留意。上週紐約期油價格再上升超過2%，加上現在俄羅斯和烏克蘭衝突導致俄羅斯天然氣供應中斷下，全球天然氣的供應非常緊張，筆者特別留意，尤其是天倫燃氣#1600比較輕身，圖表趨勢訊號表現亦不難跟炒。
上週講過的航運股，一提就有表現；據資料，內地上月人民幣計出口增長達17%，好過預期，航運股整體表現很不錯，能夠納入港股通的東方海外#316創52周高，龍頭就有領先的本領；而海豐國際#1308及中遠海控#1919都有得升，兩隻勢頭仍好；再跟手睇下隻太平洋航運#2343有冇得追下落後。至於物流股嘉里物流#636外資都一直潛伏，物流需求基本面也很好，遇到了之前阻力回落，耐心等待。
至於基建建築都已經連升多日，週五就回落了，週末又有消息發改委同意新建天津至濰坊及西安至重慶兩高鐵項目，涉資近2千幾億人幣。國家大搞基建是無庸置疑，中字頭的基建股都值得留意，但下次再衝高就不妨食下，可以換落水泥、建材、重型機械挖掘機如中聯重科#1157等等相關的都可以炒下。至於中國建築#3311都炒到上紅線(自家制SIGNAL）了，要留意下食糊訊號，反而綠城管理#9979及#1735就要加緊留意創新高後再穩步上揚的可能性。
至於藥股板塊，近期焦點都落在疫苗相關，所以中藥股自然回落整固。歌禮制藥-B#1672再炒；不過始終關注中藥的白雲山#874、石藥集團#1093、麗珠醫藥#1513、同仁堂國藥#3613等動向多啲，A股的中藥股仍有資金在炒。
跟進完個股板塊，講下國內的科技創新，尤其是科技應用方面的實力。近日網上熱傳有關內地冬奧會，在採用機械式送餐的短片，從落單、烹煮到配送等，整個過程全部不經人手。在疫情之下，此安排有利於減少感染危機。近日內地官方亦發表了《「十四五」智能製造發展規劃》，要促進智能製造裝備和工業軟件，在工業及日常的科技應用上，中國近年亦飛速發展。
所以一值強調高端工業科技股值得留意，港股選擇唔多，早前就同大家提及過的#1639安捷利，可惜只能同佢共富貴一排，剛剛宣布溢價15%提私有化，希望有得提價啦；反而龍頭係舜宇光學#2382，近幾周表現乏善足陳，週五有消息放棄螞蟻消金新一輪增資認購，近250天線旋即反彈10蚊，收市回升1%。期待先前強勢增長股在升市中回落，然後強勢反彈的現象，不過星期五先至係第一日，要再觀察多幾，始終北水仍然在沽，等佢哋轉沽為買，或再配合多d信號，就可能是時機了。不過除了舜宇，要再發掘一下多點高端工業股仍是今年主題。
我們點解久不久就會搵到好嘢，能夠在低殘的港股生存，好多我派同學其實每周甚至每日都會做功課，做下紀錄，記低每日強股板塊的趨勢發展，review 下可跟進的Lego 訊號、作出較高勝算的投資策略，這種分析背後靠的是一股passion 、一些獨門方法及一份Grit堅持，銖積寸累，缺一不可，再將呢啲方法微調，再移植到發展成熟嘅市場，不難從中發現寶藏。
士佳說 - 張士佳 舊文
本文作轉載及備份之用 來源 source: http://skycheung.weebly.com