士佳說 - 張士佳 2022年1月18日
【#士佳說 】張士佳：市一回，就炒番呢啲
【#士佳說 】張士佳：市一回，就炒番呢啲
尋日指數開甫市就往下跌最多2百幾點，第四季GDP按年增長4%，但市場怕政策變得冇咁寬鬆政策，所以從高位唔落，另外，亦由於內房股受壓，人行出手減息都無助股價；加上騰訊#700旗下遊戲又受到限玩時間影響，未成年人在整個寒假能打遊戲的時間最多14個小時，馬上借機回跌拖累指數，atm我都係對am有興趣啲。
市場另一焦點在澳門政府公布修訂博彩經營法律制度草案，訂明批出最多6個賭牌，亦維持現行博彩稅率不變，使美資賭場將失去經營權的陰霾或不會發生。金沙中國#1928升得凌厲，無視大市回調，gap up 陽燭收市。銀娛#027較弱些是正常，原先已冇人覺得銀河娛樂會攞唔到賭牌，但金沙較難講，現在陰霾既除，金沙表現應優於銀娛，反覆上升格局。
逆市中，市場又自然炒番股；受惠於疫情的醫療板塊逆市上升，尋日講到歌禮制藥-B#1672再炒，即市再升27%，因歌禮制藥公佈的口服直接抗新冠病毒研發管綫，另外口服藥產品年產能已擴大至1億片，還有繼續擴產潛力。
前兩日到港講我個市就有機會炒返先前優先股，當然各有各的借口，信利國際#732升11%，年度營收符合管理層正增長預期。銷售薄膜電晶體和觸控屏顯示模組的京東方精電#710亦升15%， 年度淨利預增350%，先前已再三強調電屛係主題，高唔追，逢低冇人吼嘅時候卻要買。創維集團#751亦都一樣，有管理層回購價格爲每股5.1-5.2，給股價強力支持。市場繼續發掘數字經濟大數據概念，引發先前的強股連升2日。在信息化和工業化的基礎上如軟件、大數據、雲計算、人工智能、網絡安全等優勢明顯。元宇宙也屬於數字經濟的範疇，舜宇光學#2382不但連升兩日，尋日北水開始轉沽為買入。這些都係今年主題強股組合，稳中帶勝。
還有國產軟件行業，筆者一直注視浪潮國際#596 ，在國企的國產替代轉型過程中優勢明顯，尋日股價上 番去接近前頂，當然講開強勢股，唔少得最近從高位回條的水務股，值得跟進。
至於航運，尋日中央出文話會依法打擊違法違規收費、哄擡運價等行爲，海運股即下跌，反而在低位的太平洋航運#2343表現硬淨，海運物流在需求強勁，供應失衡下，實難以改變日旺趨勢，相信市場在借勢亦都一樣，回吐而已。受惠航運供應鏈困局的勝獅貨櫃#716就即時炒上，集裝箱需求增長平均售價上升，盈喜後升16%， 預期年度純利不少於1.8億美元。其實，其他貨櫃類航運股如一直提及的東方海外#316、中遠海控#1919及海豐國際#1308，炒業績時可看高一線。
士佳說 - 張士佳 舊文
本文作轉載及備份之用 來源 source: http://skycheung.weebly.com