KingSir傾樓│想買筍盤？而家係入市最好時機！（葉景強）
KingSir傾樓│想買筍盤？而家係入市最好時機！（葉景強）
在疫情期間仲要係挨年近晚，業主仍選擇放盤賣樓的話，佢哋應該都好有決心走貨。
疫情第五波終於爆發，政府立即「果斷」地推出一連串防疫措施，如大規模強制市民
檢測，全港小學及幼稚園在家上網課，最慘仲要食肆延長禁令至年初三，明明諗住今年可以和親朋好友高高興興過新年，點知又要Mark鐘再起，重新捱過這一波。作為未上車或諗住再買樓投資的你，現在應怎樣部署呢？
美股、外匯、加密貨幣免費即時報價，自選投資組合獲取相關新聞提示。
自疫情爆發後，市民減少外出，二手屋苑睇樓量立即銳減，更創出近一年新低，但筆者認為如大家想買筍盤的話，現在就是入市的最好時機！
如你想買到筍盤，首先你要明白業主為何今天仍要賣樓？在此疫情期間加上年近歲晚，除非個單位是吉屋，否則業主大都不願意開門讓買家睇樓，深怕有受感染風險，有些業主則寧願減多點價，在無樓睇的情況下賣樓，有些唔等錢使的業主，直頭封盤唔賣，過埋新年再算。
然而，今天肯冒著受感染風險，仍然樂意畀你一家大細入屋睇樓的業主，部分是急於賣樓的一群，而原因都不離以下幾個：
一，賣樓套現上會。
早年買入一手新盤，還有三幾個月就要成交，層舊樓之前一直放盤但無人問津，現要加快賣樓套現，唯一方法就是減價。
二，樓換樓避稅。
大半年前買了層大樓，但原本層樓仲揸住，唯有先付15%從價印花稅，如能在12個月之內將層舊樓賣出，就可以取回稅款，但過多幾個月就夠一年，現在個市咁靜唔減價好難賣出，寧願平多幾個巴仙賣畀你都好過益政府。
三， 移民賣樓。
有部分港人可能決定過埋年後就離港移民，亦有些早前用BNO身份移居英國但仍未將層樓賣出的港人，他們可選擇抵英後九個月內將單位賣出，否則未來將要打很重的Capital Gain Tax，因此今天要賣樓，想快就要減價。
四，永遠都有些人等錢洗，尤其是年尾，要賣得快就要平。
總括來說，在疫情期間仲要係挨年近晚，業主仍選擇放盤賣樓的話，佢哋應該都好有決心走貨，作為買家不妨成全佢哋「大力鋤價」，話唔定隨時買到低市場5%至10%的筍盤。另一方面，香港今天近8成市民已接種疫苗，估計今波應該不會像以往嗰幾波要搞三五七個月先搞掂，幸運的如新春後疫情逐漸減退，那能買到筍盤的機會就會減少，希望大家好好把握今次的機會。最後，筆者在此祝各位讀者個個都身體健康平安開心過新年。
葉景強（King Sir）
本欄隔周二刊出
KingSir傾樓 - 葉景強 舊文
本文作轉載及備份之用 來源 source: http://hk.finance.yahoo.com