魚樂無窮│三大裂口股值得尊重（唐牛）
魚樂無窮│三大裂口股值得尊重（唐牛）
一早放在watching list嘅三大裂口股——中海油、中移動及金沙，有兩隻已成功入手。
虎年第一次在Yahoo財經專欄和大家見面，祝各位身體健康、百毒不侵。由於家有喜事提早放假，未能夠金睛火眼睇實個市，所以短
炒動作不多，反而吼實大價股進場的機會，一早放在watching list嘅三大裂口股——中海油（883）、中移動（941）及金沙（1928），有兩隻已成功入手。
美股、外匯、加密貨幣免費即時報價，自選投資組合獲取相關新聞提示。
中海油中移動金沙
如果係去年，中海油同埋中移動，我一定唔會吼，因為舊經股味道甚濃，尤其係後者，夠膽死全年都打橫行。但2022年係收水年，價值投資抬頭，死牛一邊頸玩科技股，最後只會一頸血。當然，本欄以通告行先，中海油及中移動都有通告跟尾，前者講明派特別息，又保證未來幾年派息，又話有buyback，消息一出即裂口爆上，兼從未回補。中移動劇本差不多，又係buyback兼派息，雖然曾經補少少裂口，但股價之後扶搖直上，中移動變終移動。
由於唔識睇油價，中海油我只成功做Short Put收期權金，唔敢坐貨；中移動有數計，雖然昨日收市後未見回購通告，但北水買盤強勁，希望可以先去第一站58元。至於金沙，一向都唔太鍾意，但自從澳門博彩新例一出，股價又係裂口爆上唔補，值得尊重，有興趣可用裂口開市價做止蝕炒番轉。
唐牛
fb︰https://www.fb.com/tongcow88
IG︰https://instagram.com/tongcow_88
YouTube︰https://www.youtube.com/channel/UCLwEpfQ6w1d-MUVlAS86QcQ
本欄逢周二刊出
魚樂無窮 - 唐牛 舊文
本文作轉載及備份之用 來源 source: http://hk.finance.yahoo.com