士佳說 - 張士佳 2022年3月31日
【#士佳說 】張士佳：市好易估
【#士佳說 】張士佳：市好易估
一早放低個位22399，前晚俄烏局勢似有點和平曙光，呢個唔難估，May突然同Chloe煲電話粥果日已經略有端倪，跟住估May兩手準備，呢邊話比世人聽佢係和平大使，另一邊廂，就向歐洲各師奶潑火，但點知俾Margaret一語道破，叫亞May不要火上加油，就由呢一刻開始，我再唔咁淡，只係較為中性，高沽低平，局勢唔難估，美股有上，港股都有，但咁嘅消息都過不了22399，我尋日開市都已經同學生講，學生朝早投票7成睇陽，自已識做，結果到223xx，係威係勢，22399關前不買，要反向操作，我沽期之餘，再減股，結果最後收市都係陰燭，即市開餐。夜期又做了一樣pattern, 最高上過22410(夜期我不嬲唔會當突破），之後又回番晒。呢D行動，只係借位高沽，唔代表22399唔會收穿，只係咁近，機前有危，沽下食下儲子彈。
烏克蘭總統澤連斯基指，俄羅斯正向烏克蘭增兵，戰爭還在繼續。北約猜測俄羅斯縮減軍事行動的承諾，僅是戰術轉變，我參考師奶雀局抽水勾心鬥角嘅人性，Swan同班所奶反晒面，阿May動口不動手，唔使費一兵一卒，班師奶同Swan訂開嘅減肥氣，就高價照單全收，Swan癲嗻唔係傻架嘛，呢個局面唔會維持好耐，受惠打仗的肥料股要回一回，所以#1866有咁好利潤都走位，估唔到師奶心態有食唔食罪大惡極心魔之下，今次湊效啵。
企得上21088(先前訂個嘅位）咁耐，市況早遲突破，只係波幅太大，止蝕因而太遠，既然是這樣，就搵受惠放水及停戰股為主，博他就算大市回調，這類型股也不會太跌。由於止蝕位太遠，揀股至為重要，如果揀咗直播平臺股就喊三聲，早前都鍾意嘅，但聞到政策陣味（市場一早就傳），就唔敢久留，尋日終於出臺，進一步規範線上直播主播的打賞金額，監管風險猶在，難怪快手無運行。加上阿里騰訊繼續互通拆牆，傳淘寶應用程式內部測試微信支付，睇怕資金開始出現離開科技股，最強勢的美團我長線揸住，但都搵啲熊仔嚟對沖，三次試近166蚊的阻力，要突破先有得再升，收穿166先解除對沖了。
幾隻爆雷的內房還吾到債等停牌，阿爺繼續出手救，叫金融銀行不得盲目限貸，允許做好房地產項目併購金融服務。資金轉到衆內房，喺北水假期停之前躍升，唔想冒停牌風險，國企兩間大內房龍頭似乎找到支持。
內地可能估4月降準放水，內房金融似有錢入低吸，反而之前炒高的農業、石油燃氣(我只有135唔願食)及資源商品就有食糊高沽。真係唔敢揀內房嘅，又可以參考我sunchannel講果隻#3900綠城，甚至同系既代建股 #9979綠城管理，果D房企為左減低買地債務，現金流和賣樓嘅成本壓力，肯定會逐步轉型承建政府代建項目，估計未來是代建行業的增長期。嘻，最低限度資料都是這麼寫，佢個圖又似模似樣。
港股之中，代建股規模較大的，有市值125億嘅綠城管理控股#9979，分拆自綠城中#3900，吼市小回時上車，中線用5.7止蝕眯埋眼睛就算，記得蝕左可以閙，但唔好兜巴刮，呢度唔係奧斯卡。
衣家摸着石頭過河，個市日升日跌咁，唔太好又唔太差，所以一係炒到最長一係炒到最短，諗住揸長的，就只有這些冇跌低過250天線好多，但都照樣出V型上昇嘅個股了(還有其他，各位同學自己學下做功課嘞）。
士佳說 - 張士佳 舊文
本文作轉載及備份之用 來源 source: http://skycheung.weebly.com