士佳說 - 張士佳 2022年5月24日
【#士佳說 】張士佳：Peter Lynch 菲傭攜手派冧把
【#士佳說 】張士佳：Peter Lynch 菲傭攜手派冧把
尋日寫好多個股都同大家講只在觀察之列，做功課用的，因大多還沒有訊號，所以昨日跟學員溝通只有＃9939，叫大家執生，捕捉到$24的獲利機會，＃9939是$22叫回時買的，最低見20.85，如果有買應在＄21.5左右吧，10幾%的利潤不多不少，但幾天的大市豪無寸進，昨日高開206xx已是全日最高位，應該會拖低一啲股票畀我買，所以我選擇食糊，多於入股，等今日其他個股低啲可以換馬了。
美股憧憬美國可能削減對華關稅，總理李克強再有救經濟政策退稅1400億不過可能數字較少，港股夜期跟吾足美股升幅，似乎今個星期科技股業績如#1810小米，#9988阿里巴巴對指數影響更大，跌幅系ATMX之中最多，槍打出頭島，巴巴業績未敢看好。
尋日熱點大股幾乎乏善可陳，只是之前低位已買落一啲優於大市較多的個股做得較好，靠其增長過日子。如恆指新貴東方海外國際#316升 6% 再創上市新高、除了大型航運佔優之外，連帶做集裝箱細細隻的勝獅貨櫃#716都甚有瞄頭，相輔相成。就算大市上上落落，上海復旦#1385續升已有2成，基建中國建業#830可以慢升破頂表現算不錯，大市的支持力對這些靚股形成防守力，突顯選對股的重要性。
新能源電動車板塊的#1211比亞迪逆市續升，出左消息與華為合作做一款高端電動車叫“星空”，系高性能越野SUV車型，市場似乎趨之若鶩，又有電池車身一體化的“海豹”，於5月21日晚預售近5萬輛。依家升咗咁多唔高追住，等埋下月車展銷售如何，回一回再觀察。反而望下隻華為核心軟件股，中國軟件國際#354為造車重要配套，近日有啲支持反彈條件，但唔想加了重，所以食左隻短炒開拓葯業#9939，先留意#354另一個短炒反彈機會，但止蝕放$5.3以下，實在太遠，故現先入1/3，待6.2附近再入些。
大股盤在整固回吐，大市波幅越收越窄，追楂追沽也不好做，指數日昇日跌，等消化外圍跌幅。指數的回回來來反而有機會炒返趨勢波段，尤其是之前二，三線之前高位有走位果堆，出多左質變（飛機）訊號又能越過型變（蕉皮）的，又可以睇返，篩選一下再揾些資料就搵到以下；
中國船舶租賃#3877先前提過，創近八個月新高。其附屬公司武昌船舶，訂造4艘1100TEU支線集裝箱船，擴大支線集裝箱船在其船舶組合。
第一太平#142 昇6%， 印尼食用油價格高企，第一太平爲印尼重要棕櫚油生產商之一，去年公司農業分部受益於棕櫚及食用油產品價格上升而收入增長35%。同時，公司還擁有印尼最大的綜合麪粉加工企業Bogasari，以及全球最大的即食麪生產商之一Indofood。
匯聚科技#1729升9%。近日，公司決定進軍服務器業務，擬推出機架式算力服務器、邊緣服務器、智能網卡、GPU卡等產品。新業務與現有電線電纜業務爲上下游關係，有助於實現集團業務及本集團收入來源多元化，先前走了，今日如陽燭突破，會吼回才撈(嘩！要等咁耐嘎，大哥大姐，血汗錢嚟架喎，要開幾多OT先至有，哎呀，out左，而家開OT都冇錢！)
阜豐集團#546，是全球最大的味精和黃原膠生產商，去年公司按年增長1倍。整體毛利按年增加39%，至約39.05億元，主要由於動物營養及高檔氨基酸的毛利增加所致，資料係噉寫嗻，我只係睇圖表覺得佢有潛質升，同埋食物成本貴，其實百物騰貴，人工又唔見加，餐飲難搵錢，冇心機做，咪落多啲味精囉，Peter lynch話投資靈感來自生活，落多啲味精呢一著，我都係取材自我家菲傭，她一心帶我到另一境界，所以尋晚落得勁重手，那怕味精不在我家的shopping list，卻神奇地出現在厨柜裏，自掏腰包來比冧把我，用心良苦呀，親！
士佳說 - 張士佳 舊文
本文作轉載及備份之用 來源 source: http://skycheung.weebly.com