笑到最後｜人清倉你又清倉的吊詭（高明）
笑到最後｜人清倉你又清倉的吊詭（高明）
每次美股有事變，總有班人衝出嚟話買美股有幾唔好之類；另外，亦都有另一類嘅言論大致係清倉保平安等。
上星期五，美股大屠殺，三大指數都大跌。每次美股有事變，情況就有如英國油費貴、超市冇嘢賣時，有一班人衝出嚟恥笑搬
屋去英國嘅人一樣，總有班人衝出嚟話買美股有幾唔好之類；另外，亦都有另一類嘅言論大致係清倉保平安等。
美股、外匯、加密貨幣免費即時報價，自選投資組合獲取相關新聞提示。
呢種叫人清倉嘅言論，或者自稱高位已清倉嘅言論，每次一流行，都已經見底，至少短線都會嚟一個反彈，次次都靈。只要之後升得夠多，相同嘅作者，就會話低位已經入曬貨，一反彈又賣又賺。
處境唔同，莫講話外國一套不能照搬香港，其他人清倉一套都唔應該跟。
清倉喺真實世界，存在於就執嘅舖頭，處理剩下貨品成本仲大過賤賣，於是清倉劈價大減價，希望收得一蚊得一蚊。
雖然一條街都有興衰，但係甚少見朱義盛清倉大平賣，隔離街坊藥房老闆明明仲賣緊奶粉廁紙，見朱義盛清倉就話：「唔係嘞，朱義盛老細都清倉，氣氛咁差，等我都一齊賣曬啲啲貨，一齊清倉！」
清倉後生活有否改善？
現實世界覺得騎尼嘅事，去到股市又會忽然聽到似層層，然後人清佢又清，主要原因係交易太方便，諗都未諗清楚，其他人講兩句就信曬。開藥房見隔離清倉，驚咗兩秒，有個師奶即刻喝佢：喂老細，收錢呀！然後唔記得咗想清倉，諗深一層，其實你又唔係就嚟執笠，清乜鬼嘢倉？除非以後唔再買股票啫。
先唔好講買賣股票會唔會發達呢類學術問題，拎返自己股票戶口，有幾多次係大合唱唱淡，跟大隊沽貨然後令戶口資產值上升？答案係零，因為沽貨變返現金唔會令資產值上升，永遠現金係咁多就咁多。
每一次見到有人嗌清倉又想跟嘅時候，都要拎返張月結單出嚟睇，上次低位清倉後，你生活有冇改善咗？
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com