【平民投資教室】錢俊：市場已押注美國經濟衰退
平民投資教室
日期：2022-06-21
更新時間：08:36:01
上周港美股市又大起大落。其中市場最關注嘅美國息口，聯儲局一口氣加0.75厘，為近四十年 來最大幅度嘅加息。有趣嘅係，宣佈加息當日，美股市況不跌反升，但一日後又再跌過。
事實再次引證錢俊所言，市況升跌與否，唔係息口上升定下跌，而係市場預期管理。前一周大 家仲以為美國通脹見頂，點知數據出爐仲繼續破高位，結束美市六月初反彈之勢。同時令市場 由關注息口會否過高，轉向到底聯儲局能否有能力壓制通脹。加息0.75厘反過來變成「市場預
期」，加上主席鮑威爾仍將未來可能加息0.5厘放在口邊給予大家希望。但一日後市場回歸理 性分析又再跌過。呢啲時間決定短炒出入市，其實只係賭緊大細。
然而經濟衰退實在迫在眉睫。高通脹會拉高企業投入成本，加上高息令借貸利息更高，除咗限 制企業發展，都影響公司利潤。標準普爾500指數已經由高位跌超過20%令市況正式宣佈步入 熊市，投資者已經用錢嚟投咗票。一般股市領先於經濟約半年時間，第一季美國GDP已經係負 數，今季通脹更加嚴峻，亦即係全年係衰退年機會好大。
有危自然亦有機。當市場消化利淡數字，往後數據稍為改善市場就好受落。同時今次通脹問題 歸根究底係疫情造成供應鏈受阻，加上俄烏局勢令能源價格上升，兩者都唔係本土經濟推動， 因此唔係長期趨勢，料中期會有緩和空間。想入市嘅投資者，可考慮八月美國公佈第二季GDP 時，經濟方向塵埃落定後再作決定或未遲。
DSPC/ SOGU：平民都可參與SPAC投資
近年市場新興SPAC（Special Purpose Acquisition Company）上市項目，即係特殊目的收購公 司。模式近似先集資上市，後收購。發起人先成立空殼公司招股上市，招股文件會披露管理層 同將會投資嘅行業，上市後再用集資金額嚟進行非上市公司收購。今年三月香港亦有第一家 SPAC公司上市，然而喺香港SPAC只開放俾專業投資者參與。
SPAC上市模式喺美國一早已經存在，但到2020年該市場先開始成熟。2020年以SPAC上市嘅 集資額達815億美元，上市公司數量亦佔全年IPO近50%。另外2021年第一季單季已集資超過 970億美元，非常跨張。
De-SPAC ETF （US :DSPC）為第一隻投資SPAC公司嘅ETF。投資25間美國上市SPAC公司。 由於SPAC開頭未必公開指定投資項目，不明朗因素影響起初上市價值。因此理論上投資者 可以喺早段以較低價錢入市，到公司確定收購項目後或對股價有利。
然而大多SPAC主力收購嘅行業都係新經濟股，今年該行業市況慘烈，DSPC今年至今回報勁 蝕62%。反之，其反向姊妹基金Short De-SPAC ETF（US :SOGU）同期則大賺91%，成為今年 至今槓桿ETF以外第二最賺錢ETF。
想聽其他投資Topic？話我知：chinjun.column@gmail.com
FB: chinjun.etf
IG: chinjun.column
以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com