笑到最後｜加密貨幣金融風暴與自由（高明）
笑到最後｜加密貨幣金融風暴與自由（高明）
美元為首嘅貨幣濫發剝削貨幣持有者，由自由走回頭路到奴隸，先至有加密貨幣嘅興起。
幣圈引述加密分析師Mike Alfred透露，Celsius Network首席執行官Alex Mashinsky上周曾試
圖通過美國莫里斯敦機場離開該國並計劃前往以色列，但被當局阻止。現時無法證實後者被拘捕定係其他原因禁止離開。 此前消息，加密借貸平台Celsius自6月13日起已暫停提款、交易及轉賬。
美股、外匯、加密貨幣免費即時報價，自選投資組合獲取相關新聞提示。
Celsius原本係加密貨幣最大借貸平台，截至今年5月17日，管理加密貨幣資產達118億美元，提供18.63厘「息」畀加密貨幣存戶，用戶達170萬名，舊年曾經風風光光咁融資7.5億美元，包括嚟自加拿大退休基金Caisse。Luna及TerraUSD穩定幣金融風暴後，USD失守聯繫滙率，另一隻穩定幣TetherUSDT兌美元0.81，已經變成動態聯滙。
炒幣疑似多份使命感
加密貨幣之所以同股票唔同，相信嘅人比起炒股票多一份神聖嘅使命感，在於佢嘅名稱叫做貨幣。起初，上帝創造天地，隨後創造男人及女人。人類生活上最偉大發明，係火；經濟上最偉大發明，係貨幣。火令人類得到熟食，以及夜間行動嘅自由；貨幣令人類得到儲存財富嘅自由，打擸嘅唔使拎住隻野豬保護自己財產。
貨幣嘅象徵符號，等同自由，亦正如人類渴望望見光一樣。
由貝殼去到Fiat Money制度嘅美元，貨幣走咗一萬年，漸漸見到腐敗嘅跡象。美元為首嘅貨幣濫發剝削貨幣持有者，由自由走回頭路到奴隸，先至有加密貨幣嘅興起。即使股票、債券、物業，及其他資產曾經幾何級上升，亦不曾同自由掛上等號。財務自由？係資產派出嚟嘅現金息先產生自由，而唔係間樓或張股票本身係自由。
外滙市場有認受性嘅貨幣，都離唔開英語世界五眼聯盟，再加歐元瑞郎及日圓，其他國家嘅貨幣，即使係「實體」、有軍隊喺背後，唔信，就唔信。
貨幣、央行等概念，全部開放原碼任抄，點解只有少數民族成功，背後原因，就係有啲民族真係唔得。放諸加密貨碼，咪又係一樣，同樣要經不同金融海嘯嘅衝擊，先煉成一種有認受嘅貨幣。
加密貨幣明明係去中心化，每次出事都可以彈個創辦人出嚟，形象上已經唔太中心化，如果佢叫你買幣，轉過頭用美元買車買樓，請問呢種加密貨幣又同第三世界嘅土著央行行長有咩分別？或者只有Bitcoin，一路將創辦人中本聰神化，彷如耶穌一樣復活再行神蹟，加密貨幣就有機會取代法幣。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com