【天下第一倉】高山行：糧草先行 一爆好神
天下第一倉
日期：2022-07-27
更新時間：10:07:26
新時代能源(00166.HK)呢隻股份不嬲都係不鳴則已，近月已兩度大飛，罷明開車，昨日略回，又係上車機會。
炒0166有幾個原因，其一梗係周大福佔權66%，好耐都冇威過，而
去年業績轉虧為盈大捷更是最佳借口，大賺3.29億元，上年則蝕7,948萬元，係咪好堅？
原因係，去年9月完成收購加拿大私營油氣公司，於艾伯塔省及卑詩省經營超過800口生產井，日產量超過12,000每日桶油當量。食正油價大漲更提供現金流，呢間公司同時擁有卑詩省坎貝爾河一塊1,200英畝多用途土地，已出租予各行業租戶，包括但不限於綠色數據中心、模塊化住宅建設和垂直農業，再加上進軍當地綠色農業工具業務，意即收入多元，可謂一單收購救全家！
唔止咁，舊有阿根廷油氣勘探及生產大捷，去年營業額大升9倍至2.6億元及虧轉盈，而家陣0166成家公司去年底止坐擁4.95億元現金，負債僅3,098萬元。相對現市值13.4億元，確實係鮮！
短期誘爆因素，係剛向一批董事發1.3億份購股權，每股作價0.138元，上周五已有人行使5,000萬份，擺明糧草先行，股價由近月0.1元起開始勁踢，最高見0.18元，現位0.153元，揸緊時間上車可也！關鍵係呢隻股份往績都係一鬱升到癲，一於睇好戲上！
高山行
天下第一倉 - 高山行 舊文
本文作轉載及備份之用 來源 source: http://hksmedia.com