笑到最後｜歐洲能源價格急升的啟示（高明）
笑到最後｜歐洲能源價格急升的啟示（高明）
歐洲能源價格急升本來唔算係新聞，因為俄羅斯侵烏，影響歐洲天然氣供應。
本來歐洲係比較離地嘅事，同香港冇太大關係，大部份人同歐洲嘅關係，都係旅行同留學，歐洲經濟對世界影響雖然好大，但放諸股市又好似唔係好明
顯，供應鏈當然一環扣一環，歐洲掌握先進工程科技，但係炒股避開歐股，又好似唔係爭好遠，充其量冇咗一堆荷蘭德國高科技股，但升幅計有替代品，歐洲經濟又冇太大突破十幾廿年，歐元紙水越低，本來香港人越有利。
美股、外匯、加密貨幣免費即時報價，自選投資組合獲取相關新聞提示。
不過，近年香港出現離境潮，除咗英國（地理上嘅歐洲）外，歐洲漸漸都累積唔少人去，有電視藝人更加移民歐陸國家奧地利，歐洲經濟亦成為本地傳媒嘅關注焦點，報紙、KOL見歐洲有新聞就不斷出Post，證明相關資訊有需求，自然有人日日Mon住。
歐洲能源價格急升本來唔算係新聞，因為俄羅斯侵烏，影響歐洲天然氣供應，並唔係近期發生嘅事。但係8月起天然氣急升有如年幾前美國科網股急升，都係幾典型嘅資產價格大牛市急升。
咩情況下可以說服到人高價買一件物品，萬變不離其宗，就係急需嘅感覺。電影華爾街狼人，扮演主角嘅李安納度問： Sell Me a Pen，推銷一支筆。眾人有口難言，唯獨一個市井裝扮嘅朋友淡定拎起支筆答：幫我簽個名，你冇筆喎，咁你咪需要囉。簡單例子，證明需要係製造出嚟。
睇香港報紙，歐洲熱浪，又冇冷氣嘆，證明歐洲又熱又落後，供應鏈短缺，連生產都減產，能源需求冇迫切性，歐洲人人皆是林超英，夏天唔洗開冷氣，能源需求冇急增，要急亦急唔嚟，因為唔可以開定暖氣，等天冷先用。預先支付嘅需求，只可以喺資本市場嘅期貨反映。
政府變老散狂買
截稿前德國公佈預計下個月儲滿85%天然氣，早過原定10月嘅目標，令氣價即市下跌20%。先假設真係儲到，事實證明：一、只要有貪婪與恐懼，官都係老散，都會高追；二、社會結構太緊密，你眾人皆醉，都會畀人陀衰家，例如儲婆仔錢入銀行，都可能變成冇得提款，又或你夏天唔開冷氣，冬天天然氣加價，幫政府找返條恐懼數；三、氣價急升真正原因係政府變咗大散戶狂買，加上係其他人嘅錢，買得特別狼死，講到尾都係炒家，今次中計係政府，但歐洲人就平分代價。
每次資產到頂峰，一定出現：1. 似層層嘅非即刻買不可原因；2. 拎住散戶錢狂掃嘅大好友；3. 無數塘邊鶴吹奏價格有升冇跌。大致上都可以預見天然氣價已見頂，唯一唔確認得曬就係冇少年氣神，不過本欄都相信九成條件吻合。
高明
facebook：https://www.facebook.com/bigricetea
IG：https://www.instagram.com/koming.usstocks/
作者簡介︰賺錢係目標，炒股係手段，專欄記載由手段到目標嘅過程。
本欄逢周三刊出
笑到最後 - 高明 舊文
本文作轉載及備份之用 來源 source: http://hk.finance.yahoo.com