【平民投資教室】錢俊：港股大跌又關二十大事?
平民投資教室
日期：2022-10-25
更新時間：13:46:31
尋日恆指大跌超過一千點，相對日韓台升市，同上周五美市反彈，可謂慘絕全球。有趣嘅係， 上周市場憧憬聯儲局12月或降低加息幅度，尋日中國公佈嘅季度GDP更加比市場預期嚟得
好 ，都救唔到港股跌勢。
馬後炮總會有人解釋跌市原因。有KOL明示暗示認為因為二十大確立習近平地位，市場用資 金流出表示對政權失去信心。錢俊認為呢套講法甚為牽強。畢竟中國政治制度已運作好一段 時間，於2019年及2020年兩間都經歷唔錯嘅回報。
錢俊認為跌市其中有兩個可能性。第一係對經濟未來嘅不確定性。派系以外，預期接任國務院 總理、喺政治局常委排名第二嘅李強，往續主要係地區幹部，包括現時為上海市委書記，未曾 似歷任總理一樣喺國務院擔任過副總理。相對經濟學博士嘅現任總理李克強，牌面上或令市 場對未來經濟處理有所困惑。
更重要，亦係錢俊講過多次中港股票復甦關鍵，就係內地清零政策。二十大前市場或對防疫政 策有機會於會後放寬存有憧憬，但現時擺明未有放寬跡象。反之身為嚴格對上海執行清零政 策嘅李強上任後，會否將政策延續成憂慮。之前諗住搏政策改變嘅投資者見狀離開亦不足為 怪。加上聯儲局放慢美股步伐的話，不如班師回朝買返美股或更值搏。
FRDM:大愛左膠ETF
有人以移民離開嚟實踐自己嘅政見。原來連買ETF都可以宣示政見? 美國上市嘅Freedom 100 Emerging Market ETF(US:FRDM)就係一例。基金追蹤生命及自主自由100 新興市場指 數，旨在投資文明及經濟自由度較高嘅新興市場國家，投資組合包括約100隻股票。
指數主要從三個方面考慮去揀股，首先係文明程度，包括市場及公司有無發生好多暴力事件、 恐怖主義、及女性享有嘅自由度等。同時加入政治環境考量，如政黨多元程度、司法獨立性、 宗教自由度、網絡自由等;以及經濟層面嘅保護，如知識產權、商業及勞工保障、政府對私人 市場嘅介入程度等等。
坊間一般嘅新興市場指數都會以市場市值及交易量等去判斷所納入嘅公司及市場。由於中國 及印度好多公司過去吸納唔少中外投資者，兩國嘅股票喺新興市場嘅指數佔比極重。以MSCI 新興市場指數為例，中印兩國佔比分別達31%同15%。相比FRDM，兩國股票嘅佔比都係零。 投資嘅三大市場分別為智利、台灣同南韓。
咁到底大愛左膠賺唔賺到錢?FRDM嘅年初至今同過去三年回報為負24%同負1%，都較 MSCI新興市場指數嘅負28%同負12%好。
想聽其他投資Topic?話我知:chinjun.column@gmail.com FB: chinjun.etf
IG: chinjun.column 以上觀點僅為個人分析，並不構成任何投資建議。
平民投資教室 - 錢俊 舊文
本文作轉載及備份之用 來源 source: http://hksmedia.com