陸羽仁 BLOG 2012年7月19日
平與貴
2012/7/19 上午 09:40:28
網誌分類: 經濟
市場預期聯儲局主伯南克講話唔會帶來QE方面的驚喜，注意力近番去美企季度成績表現，由於近幾個月的經濟唔係咁好景，市場一片悲觀，分析師對美企的盈利表現期望亦唔高，美企的盈利表現唔係非常差，已經過到關，投資者已經收貨，股市又可以升。
例如上日公布業績的Matell，上季營收11.6億美元，基本上沒有增長，而高盛季度盈利更係下降12%，可口可樂亦只有2.7%增長。昨日輪到科技巨頭公布業績，普遍好過市場預期，加再加上美國6月新屋開建76萬套，係2008年以來最多，杜指低開高收，漲103點至12909點，連續第三日向上。
美國樓市其實係經濟最重要的指標之一，後向如何，左右大局。昨日公布的6月新屋數據，已經係無樣好的經濟數據中的亮點，6月新屋開建比5月升6.9%，比去年同期升23.6%。更重要的是單家庭新屋動工比上月升4.7%。這些數字和建築商強勁訂單吻合，都顯示美國人對樓市信心好番。
從壞的方面睇，美國人新屋動工雖然創新高，但76萬套，只是2006年歷史高位200萬套的三分之一多一點。樂觀主義者話得啦，可以從好的一面去睇，如果樓市以如今的速度復甦，一年增長20至25%，樓市會兩年多一點就回復正常，所謂「正常」，係指10年前的平均數字，新屋動工約150萬套。
這又是預期的問題，市場對樓市預期如此低，所以有正常的一半左右新屋動工，大家都話好?潔A話過多兩年就正常，問題是他們能否「正常地」年年新屋動工升20、25%去過呢兩年呢? 又如阿爺GDP增長正常有8%以上，而家7.6%，其實唔差得遠，肯定比美國樓市回到正常近好多，如果中國經濟正常地發展番，一季後GDP增長肯定可以回到8%樓上，回復正常的速度要比美國樓市快，點解中國股票要咁差?理由是市場怕中國經濟不能回復正常。
同樣道理，美國的樓市有更大可能不能回復正常。睇睇悲觀派紐約大學經濟學家魯賓尼的預測，佢昨日接受路透社訪問時大潑股市冷水，又再重覆他對明年全球經濟將遇上「完美風暴」(perfect storm)的「末日」預測。所謂「完美風暴」，係指當兩個颶風相遇，所產生數以倍計的的破壞力。
他表示由於歐債危機深化；美國加稅兼削減開支，中國經濟出現「硬著陸」令新興國經濟已慢，再加一個美伊軍事衝突。全球經濟明天將大幅放慢，甚至突然停頓，情況可能比2008年全球金融海嘯更差，佢話全球股市勢必首當其衝，明年將出現特大的調整。
魯賓尼的預期其實唔係新料，已經講好一段日子。但在歐洲債務危機不斷惡化，又完全睇唔到出路下的情況下，愈來愈多的投資者Buy魯賓尼的講法。投資氣氛一片悲觀的情況下，即使係「東瓜豆腐」的般細事件發生，都會引發大災難，不可不防。
我唔係話信哂魯賓尼，但環球經濟確有隱憂，明年的確較大，如果市場對大陸股票的疑慮係?琚A美股和環球樓市都好貴，特別是樓最貴。如果市場對環球經濟的估計係錯，大陸股票的確平得可以。
陸羽仁
回應(6) 我想回應
陸羽仁 BLOG 舊文