陸羽仁 BLOG 2012年7月26日
一葉知秋?
2012/7/26 上午 09:46:56
網誌分類: 經濟
好業績支撐美股反彈。全球最大重型建築設備生產商卡特彼勒(Caterpillar) 及波音飛機業績好過預期，並且調升全年盈利預期，美股反覆造好，杜指午後一度升近120點，但埋門腳軟，收市升幅只剩59點，報12676點，標普500指數原地踏步，收1338點。
納指逆市向下，主要受蘋果業績不及預期拖累。蘋果盈利增長20%，差過市場期，收跌3.9%，失守600美元。
到底蘋果業績唔好只是一時現象，還是一葉知秋? 蘋果截至6月底的第三季業績，純利升20.7%至88億美元，同期營業額為350億美元，按年升23%，遠遜預期的372億美元。這是蘋果近十年以來第二次業績遜市場預測，試想若蘋果銷售達到預期，即係多22億美元，大部份成本不會相應增加，純利隨時多近20億美元，所以業績唔好主要是生意唔夠多。
蘋果王牌iPhone季內銷售唔夠好係主因，第三季僅賣出2600萬部，雖然較前一季彈升28%，但遠遜去年同期的3500萬部，按年下跌26%，單睇呢個數字令人擔心iPhone正在退潮。蘋果財務總監奧本海默把iPhone銷售差歸咎於iPhone 5將推出的傳聞，壓抑用戶買機意欲。另外中國銷售未如理想也是原因之一，季內中國的iPhone銷售額57億美元，比前季的79億美元明顯下滑。蘋果行政總裁庫克話，蘋果在中國業績佔公司收入的16%，季內中國銷售跌22億，因庫存改變，以及iPhone 4S去年遭大力催穀後的週期調整。(呢?籪挭嬰麻I行貨)
若你信蘋果自己的解釋，會認為一推出iPhone5就無問題。但真正問題是無?鰴鴠炭筍嶊瘧囿G，無?髐@個狂人老闆推動，推新產品係唔係慢?鬫n多? 若然如此，係唔係再要擔心一?無?鰴鴠炭答彆span lang="EN-US">iPhone5，質素係唔係咁勁?
企業有生命週期，蘋果而家一季都賺88億美元，一年賺300幾億美元，富可敵國，到底這個高增長的數字，能否持續? 或者正大家都估好難長期持續，問題是下滑的轉折點幾時開始，抑或已經開始?驉C
蘋果好明顯是強勁企業，蘋果業績令人失望，更令人擔心的是環球經濟放慢，對全球的消費都有影響，減減由弱企擴散到強企，iPhone在中國銷售差?驉A會唔會因為中國經濟差?驉A所以買iPhone這類高檔消費品都減少?魕O? 若然如此，就是一葉知秋了。
有資料顯示，迄今為止已經公佈財報的美企，有大約71%的企業盈利超出預期，但營業額(revenue)超出預期的企業只有40%，而通常數據是60%，反映美企上季度生意差，只是市場降低標準，令盈利數據高過預期。而那些業績不及預期或者下調了業績目標的企業，主要原因係受歐洲經濟不景氣拖累，這些企業的盈收有超過四份一來自歐洲，這類企業佔了標普500成分股約三分之一。
美國昨開市前會公佈最近一周首次申領失業救濟金人數，市場預計人數為38萬人，少過上周6千人，之後會公佈耐用品訂單及房屋簽銷數據。市場預計就業數據一旦差過預期，聯儲局下周開會議息，可能會推出刺激經濟措施，「QE」毒癮又發作。交易員利用「QE」憧憬炒作，大多數分析員認為聯儲局需要更多時間考慮是否會推出QE，不過，當市場多了人講，即使有壞消息，大市又可以頂住，唔跌落去。
陸羽仁
回應(3) 我想回應
陸羽仁 BLOG 舊文