陸羽仁 BLOG 2012年7月5日
炒友之言
2012/7/5 上午 09:34:16
網誌分類: 經濟
美國國慶假期，美股昨日休市。美資金融機構休假，歐洲股市亦水靜鵝飛，
加上歐洲央行和英國央行將於今晚公佈貨幣政策，市場觀望態度濃厚。交投更顯清淡，股市變動唔大。
最新公佈的歐元區Markit綜合採購經理人資料顯示，6月份私營部門活動放緩速度已較5月份減慢，但仍處於大幅萎縮階段，另一份報告亦指出英國上月服務業增長減速，加上歐債危機惡化情況未見改善，市場對歐洲央行將於貨幣政策會議上宣佈減息的預期升溫，好多經濟學家估計歐央行會減息0.25厘至0.75厘，創了紀錄低位，同時，也預計英國央行會啟動新一輪量化寬鬆專案。歐洲股市基本上原地踏步，其中德國、法國股市微微向下，分別跌0.2%及0.1%。
美股今晚復市。市場焦點將會集中在美國就業市場狀況，今明兩天將有三個相關數據出爐。今晚開市前會公佈6月ADP私營就業報告，市場預期私企會增加10.8萬個職位。雖然ADP數據常常與非農就業數字「脫軌」，但市場仍將前者看成後者的「預演」(preview)。緊接著公佈的是最近一周的首次申領失業救濟金人數，市場估計會和上次一樣，都係38.5萬人，令投資者憂慮的是新失業人數近期有增無減，反映經濟活動有放慢跡象。壓軸好戲係週五公佈的6月非農就業報告，市場最新的預估增長會有9.5萬人，認真唔靚仔，尤其係比較前兩三個月增長有15至20萬人。不過，若真係達標已經唔錯，因為4月增長11.5萬人，5月急跌至只有6.9萬人，怎敢有太高期望？
美股杜指期貨最新報12840點，較收市跌31點，與昨日比較明顯回軟，昨日執筆時係上升逾61點，來回唔見?籜span lang="EN-US">92點，反映投資者唔睇好後市走勢。
靜靜地的時候，又睇?國際炒友炒乜。Spectrum 資產管理的董事總經理Michael Gurka好威水，佢一個月前叫人買粟米期貨，當時粟米剛跌到18個月低位，好多人都覺得Gurka的建議難以置信，但一個月後，他的建議成為月度最佳建議，粟米受收成差和天氣影響，一個月內升?籜span lang="EN-US">27%，仲好似有得去。
既然Gurka上個月睇得咁準，市場好有興趣佢今個月有乜建議，佢都係關注商品，但係叫人睇位沽油沽金，認為石油和黃金升到近壓力位，小心去佢地轉向。Gurka認為，金和油都在夾淡倉，但如石油升到93至95美元一桶時，會有幾大量沽盤開始重新出現。黃金如到1625美元一安士，或者升到呢個位之上，又係類似情況。
佢認為基本因素約朿石油和黃金的升幅，相信環球經濟還在一個放慢模式中，會令和增長相關的商品如石油受壓。佢對經濟相當淡，認為正在散緊。
雖然一個月估中唔等如次次中，但我對石油的看法都和Gurka相近，經濟唔好，需求減少，油價好難企在這種高位。黃金則受通縮影響。不過睇淡黃金和石油，特別是黃金，要小心8月聯儲局可能出QE3，若真係放水，黃金可能會再抽一抽，雖然呢次上升都會幾短暫，但都足夠挾死淡友。所以我睇淡石油多過黃金。
陸羽仁
回應(11) 我想回應
陸羽仁 BLOG 舊文