投資的天空：金融中心笑死人 - 張士佳
不少市民為香港作為國際金融中心而自豪，可惜這地位日漸褪色，為行內人極度詬病的延長交易時間，打擊經紀生計不在話下，昨日有報道講，有經紀收市後要去麻雀館戥腳做兼職，講到呢度，一定有人話要轉型、與時並進等等。
破壞行業生態已經夠衰，最弊真係一單「傑」過一單，近年為爭取IPO之王的虛名，令上市公司質素良莠不齊，投資者不幸中伏，還反過頭被指摘無做好功課。投資者未必全無責任，但港交所(388)專業人士繁多，都察覺唔到問題，無理由一般散戶個個都咁專業?？而最近一單又復牌又停牌的事件簡直貽笑大方，兩個監管機構好似無溝通，讓人家以「國家機密」做擋箭牌復牌，如果間間都係咁，漠視透明度的重要性，基本上香港市場不再值得投資。如果連保障投資者的工作都做不好，實在配不上金融中心的稱號。
至於組合方面，中生製藥(1177)前日公佈了中期業績，算是不過不失，昨日的股價亦反映這因素，有人唔滿意而沽貨，因此一度跌6%，不過亦有人覺得都唔差，所以又買返上去平收。即管先當昨日是震倉，如跌穿低位2.67元就要沽出，屬長期指令。
與曾卓鋒(寶來證券業務經理)聯合執筆(逢周三、五刊出)
作者：張士佳、曾卓鋒(寶來證券(香港)業務經理)
上一則: 青心直說：內銀靠轉型搵食 - 胡孟青
下一則: 外幣兌港元
投資的天空 - 張士佳 舊文