中環在線最新風險因素：夫妻檔 - 李華華
財經新聞越來越有娛樂性，最近雅天妮(789)主席謝超群疑似患上精神病，又同一齊創立公司?老婆鬧離婚，老婆忽然變成話事人，立立亂咁，但小股東仍然未知發生乜事，唔知沽唔沽貨好。
照咁睇，以後新股上市，?招股書上面，「夫妻檔」可能要列為風險因素之一，要搵麥玲玲或者蘇民峰同佢?批命，睇嚇離婚風險有幾高先至得！
主席離婚踢老婆出局
香港有好多家族持有?上市公司，「夫妻檔」亦唔少，多數係中小型上市公司，最經典係莎莎(178)主席郭少明兩公婆，兩人一齊搞莎莎，發達後依然出雙入對，一齊巡舖、入馬場，狀甚恩愛。
失敗例子係包浩斯(483)，主席黃銳林同前妻唐書文創辦公司，09年公司突然話要開股東會踢走唐書文，大家先知道兩人原來已經離婚。
SOHO中國(410)主席潘石屹同行政總裁張欣兩公婆一直係上市公司「夫妻檔」代表，舊年底亦傳兩人鬧離婚。投資者投資一間上市公司，除?睇業務發展前景同賺錢能力，亦好睇大股東同管理層穩唔穩定，以前好多人將「夫妻檔」等同穩陣、同心，不過家陣婚姻觀念越來越薄弱，統計處話，舊年本港離婚比率係3.8%，比五年前高0.5個百分點，即係100人有3.8人離婚，風水師自己識睇相都離婚再娶喇，投資者可能真係要對「夫妻檔」重新定義！
李華華
mailto:LiWaWa@AppleDaily.com
上一則: 充滿信心下半年發力望再做二哥
下一則: 中環在線：增加女董事婦基會Like - 李華華
中環在線 - 李華華 舊文