中環在線：3.76億票唔like郭炳江 - 李華華
09年，只得3297萬票反對郭炳江連任，今年反對票竟然勁升10倍。
越來越多股東識得投票表達不滿。今年初，堂堂港交所(388)前主席夏佳理俾恒隆地產(101)逾三成股東投票反對佢連任做董事，新地(016)噚日亦有21.5%股東反對大股東兼聯席主席郭炳江連任董事，罕見兼突兀！
反對連任四叔排第二
郭炳江上一次?09年?股東會尋求連任，反對票只得1.8%，涉及3297萬票，事隔三年，噚日股東會上竟然有3.76億票或21.5%反對佢連任，11位重選董事當中，佢獲得最多反對票，排第二係恒基地產(012)主席李兆基，有12.4%股東反對四叔連任。
由於噚日另一位聯席主席郭炳聯同非執董郭炳湘冇尋求連任，好難估計反對郭炳江連任?股東，係咪因為廉署單官司還是郭氏三兄弟不和而投反對票，但無論乜?原因，睇來三位都要思考嚇股東點解咁唔妥，舊年股東會亦有14%股東反對郭炳湘連任?。
雖然有咁多股東唔like，但員工應該仲好鍾意郭炳江，事關佢噚日預告明年加薪應該唔錯。郭老闆咁講得，反映新地盤數幾靚。早前被踢爆疑似係新地股東?九倉(004)主席吳光正應該唔使愁。為免市場有乜誤會，郭炳聯自爆同吳光正係老朋友，又指新地抵買，希望多?人買?呀。
李華華
mailto:LiWaWa@AppleDaily.com
係囉，應該係冇眼睇囉。程志遠攝
上一則: 鋼鐵業全年料扭虧
下一則: 中環在線：太地40年同街坊慶祝 - 李華華
中環在線 - 李華華 舊文