中環在線：幾十億生意電盈招聘IT精英 - 李華華
■陳禎祥(左)?傳媒飯局上話電盈要請人，如果記者反應好似問問題咁積極，老闆小小超都讚你叻囉。
提起電盈(008)，除?諗起幾位「筍盤」拍?廣告，多數就係now TV同埋香港電訊。電盈總經理佐治．陳禎祥噚日同一班傳媒中人食晏時，就話大家睇漏眼，佢?仲有一個「悶聲發大財」?部門叫企業方案部，呢個部門一年有幾十億生意，好等人用，仲即席公開招聘呀！
企業方案部勁缺人
呢個企業方案部門?主要客戶係公營同商業機構，舊年收入有22億，今年仲勁，年中時手頭定單有50億。說話向來謹慎?佐治，都忍唔住話呢門生意好到唔夠人做，一年前只有2300人，家加到3000人，一樣唔夠人，佢仲有殺錯冇放過咁，即場問記者有冇做開IT?子姪、朋友可以介紹，總之「好人會不停請」。
難得見到呢位電視廣播(511)前高層，當然要問佢點睇近日?免費電視風雲。佢耍完一輪太極後，竟然走去講「那些年」，話196×年佢細細個?陣，去涼茶舖畀鬥零先有得睇電視……
提電視牌即耍太極
到佢幾兄弟姊妹有能力夾錢買部12吋德國上將牌黑白電視機，佢又要走上天台調校魚骨天線，由於佢住?唐樓有九層樓咁高，唔可以就咁嗌落去問屋企人收唔收到，於是要係咁走上走落，幾陰功。
咁返來2012年，如果冇免費電視牌照咁點算呢？佐治舉?個例，話等如選香港先生，佢都未去選，唔可以話佢輸喎。果然係太極宗師。
李華華
mailto:LiWaWa@AppleDaily.com
上一則: 工行速澄清否認收購ILFC
下一則: 中環在線：華爾街花紅低處未算低 - 李華華
中環在線 - 李華華 舊文