中環在線：狂追李寧兩年匹克再食檸檬？ - 李華華
■好多大行唔睇好匹克同李寧前景，?呢個層面上，都好門當戶對?！
風水輪流轉，今年內房股熱炒，體育用品股冇人吼。可能見靜得滯，內地傳媒近日竟然爆出，話匹克(1968)兩年前力追行內一哥李寧(2331)，仲想結婚，可惜只係神女有心，李寧無夢，匹克噚晚出通告澄清呢單?係流料。用CY名句來講，即係重組從來「唔存在」。
幾億倉底貨許總話小事
事緣有內地雜誌訪問匹克董事長許景南，公司發展、行業情況乜都講，報道引述許總話，匹克兩年前想過搵李寧搞重組，但被李寧拒絕；匹克今年上半年舊事重提，李寧就話要等私募基金股東TPG同GIC搞掂內部調整先，即係冇行啦。
雖然俾人推?兩次，冇得重組挽狂瀾，但許總對於前景甚至庫存問題依然樂觀，認為「庫存是小事」，「現在庫存解決也很簡單，做慈善或者放在倉庫。有些公司十幾億的利潤，庫存幾個億，放在那裏也沒甚麼。」
可搵CY幫口解畫
匹克過去五年盈利介乎1.7億至8億人仔，之前又發盈警估計今年全年盈利顯著減少，許總所講?「有些公司」應該唔係指匹克?，庫存幾個億真係咁小事？送畀人或者擺埋一邊就當「處理?」、「唔存在」？請問公司?錢係點賺番來?呢？許總遲嚇使唔使搵CY幫口解畫。
李華華
mailto:LiWaWa@AppleDaily.com
上一則: 中國白銀擬周五招股
下一則: 中環在線：恒隆老臣姚子賢即日劈炮 - 李華華
中環在線 - 李華華 舊文