投資的天空：小調整不足為奇 - 張士佳
聯儲局宣佈，將在年底「扭曲操作」到期後，擴大現有資產購買計劃，除了繼續購買400億美元MBS外，還將額外購買約450億美元長期國債，外界稱之為QE4，不過這已是市場預期之中。其實上一次話買MBS的時候，已等於QE無極限，現時再宣佈多一輪買債計劃的意義並不大，因大家都知美國唔會捨得呢條放水計，所以美股及港股都要先升後回。
近年好興出消息前炒高，之後反高潮，所以昨日士佳亦提醒要減持與大市相關性較高的股票，幸好組合中的恒隆地產(101)於31元沽出的限價盤剛好完成。其實筆者並非睇淡個市，只係自己今轉都係睇反覆上23000點，去到22500點，水位已經唔多，而且個股的動力近幾日實際上有所轉弱，大市有點小調整都唔出奇。另外，在財政懸崖問題上，仍未有明確答案，話唔定淡友隨時又藉此嘗試作反擊。總之個市係高位時，都不宜太進取，酌量減磅，若調整起碼有子彈再入過。
此外，組合之前買入中興(763)的長期指令會取消，只維持中集安瑞科(3899，收市前5分鐘見陰燭並低於6.35元)及吉利(175，跌穿3.42元)的止蝕長期指令。
筆者持有中集安瑞科
張士佳
元大寶來證券(香港)業務及商品發展總監
與曾卓鋒(元大寶來證券(香港)客戶經理)聯合執筆
(逢周三、五刊出)
上一則: 青心直說：官方驅魔未必好 - 胡孟青
下一則: 炒友Blog：哈電夠平中線睇九元 - 邱古奇
投資的天空 - 張士佳 舊文