陸羽仁 BLOG 2013年3月1日
美股好年
2013/3/1 上午 10:03:14
網誌分類: 經濟
美國削減開支的死線臨近，但市場似乎並不驚恐，美股杜指中段一度衝到14149點的五年高位，距離杜指的歷史收市高位14169點只有20點，其後回軟近百點，結果微跌20點收場，收14054點，美股又在試高階段。
民主共和兩黨在2011年達成削赤協議，由2013年開始，聯邦政府每年削減開支1090億美元，10年內超過1萬億美元。兩黨今年年初達成的解決「財政懸崖」方案，削減約240億美元開支，將通過減少政府項目撥款等方式去體現，其餘削減850億美元的政府開支削減計劃將延期兩個月今晚執行。
美國昨日發布的2012年四季度GDP修正報告顯示，美國經濟的增長率由此前發布的-0.1%上調至0.1%，增長率是2011年以來最低的。而市場預期係0.5%，復甦速度較預期中慢。睇近期的經濟數據，經濟復甦仍在繼續，例如昨日公布的最近一周首次申領失業救濟金人數34.4萬，低過預期的36.2萬。2月芝加哥採購經理指數(PMI)56.8點，創11個月新高。加上日前公布的二手房簽銷及消費者指數都遠好過預期。反映經濟在改善中。萬一美國政客最終傾唔掂數，復甦中的經濟好可能出現逆轉，不過只係「萬一」?隉C
唔少分析認為削支勢必對現時仍然脆弱美國經濟帶來衝擊，阻慢復甦。聯儲局主席伯南克日前在國會作證時已警告，削支將拖累今年美國經濟增長0.6個百分點，導致損失75萬個工作崗位，而當局無法抵禦因削支引起的負面影響。國基會(IMF)昨日亦發警告，話如果美國開始執行全面減支行動，IMF可能將2013年美國GDP增長預期從現在的2%的基礎上下調至少0.5個百分點。
總統奧巴馬及國會就削支問題繼續爭拗不休。但睇大市近期反映，投資者對削支問題，反應遠沒去年底對「財政懸崖」問題那樣大。大市近日大上大落，原因主要受聯儲局最化寬鬆(QE)是否會變，以及歐洲政局變動所引發，根本唔擔心削支。
削支「死線」臨近，杜指全日波動唔夠100點。杜指連續兩日大漲了290點，雖然從高位回調，但收市只係輕微回調20點，仍然企得硬淨，投資者可能已經對政客爭拗較以往麻木，亦估計最終會就削支問題達成協議。唔敢入市，亦唔想沽貨離場。
昨日2月完結，又有歷史數據可講，原來美股好少1月、2月都升，2月通常係最弱的月份之一，而1、2月連升兩月好罕有，係全年都升的預測指標。 S&P CapitallQ 的Sam Stovall話，自1945年起，標普500指數只有26次係1、2月都升，結果都係全年有升，最特別係平均升幅高達24%，只有1987年和2011年是單位數升幅。1987年係股災，2011年係炒復甦最後失望回吐，但呢兩年都仲係正數。
平均升24%，真係好誇張，唔知今年會唔會有例外? 定係跟呢個歷史統計平均? Sam Stovall解釋點解股市係一個好年時會出現1、2月都升的「警示」訊號，係因為投資者好似一個80、90歲的老人唔想睡午覺，佢地怕一?埽蛓N會錯過好多，所以2月都唔敢沽。
若然你信呢個統計，咁即使預計股市會回落，都唔使減得太多貨，因為手上無貨的風險正在上升中。呢?瓛峟p真係信不信由你啦，因為2011年的例外，美股標普500指數接近無升跌，但那一年港股跌?籜span lang="EN-US">20%。
陸羽仁
回應(8) 我想回應
陸羽仁 BLOG 舊文